Richard Crandall
Richard Crandall (inglizcha: Richard E. Crandall; 1947-yil 29-dekabr — 2012-yil 20-dekabr) — algoritmik sonlar nazariyasiga katta hissa qoʻshgan amerikalik fizik va kompyuter olimi boʻlgan. U vaznli diskret irratsional asosli konvertatsiya yaratuvchisi va katta tub sonlarni topishning muhim algoritmi sifatida tanilgan.
Biografiya
Richard Crandall Michigan shtatining Ann Arbor shahrida tugʻilgan. Olimning soʻzlariga koʻra, otasi unga aktuariy (sugʻurta statistikasi boʻyicha mutaxassis) boʻlib ishlagan koʻp sonlardan qoʻrqmaslikni oʻrgatgan. 1965-yilda u Kaliforniya Texnologiya Institutiga oʻqishga kirdi (u yerda Richard Feynmanning maʼruzalari kursida qatnashdi), ammo 2 yildan soʻng Rid kollejiga oʻtdi. U yerda Richard 1969-yilda sanʼat bakalavri (BA) darajasini oldi, undan soʻng Massachusets texnologiya institutida aspiranturaga oʻqishga kirdi va u yerda Regge nazariyasining matematik muammolari ustida ishladi. 1973-yilda esa Richardga falsafa doktori (PhD) ilmiy darajasi berildi. 1978-yilda u yana Reed kollejiga fizika professori sifatida qaytdi. 1984-yilda Richard Crandall atomi deb nomlanuvchi muammoni ishlab chiqdi.
Martaba
1970-yillarda Crandall kompyuterlarga qiziqa boshladi. 1984-yil 24-yanvarda Apple birinchi Macintosh-ni ishlab chiqardi. Reed-kollejini kompyuterlashtirish gʻoyasi bilan yonib ketgan olim Steve Jobs bilan uchrashdi va ular tez orada doʻst boʻlishdi. 1980-yillarning oʻrtalarida Richard Reed kollejida oʻqituvchilikni tashlab, NeXT kompaniyasida Jobsga qoʻshildi, u yerda bosh kriptograf, keyin esa bosh olim lavozimiga koʻtarildi. 1987-yilda u oʻsha paytda Mathematicaning birinchi versiyasini ishlab chiqayotgan Stiven Volfram bilan uchrashdi. Keyinchalik, Crandall kompyuter hisoblash va uning fan va oʻqitishda qoʻllanilishi boʻyicha bir nechta kitoblar yozdi.
Ilmiy yutuqlaridan tashqari, Richard Crandall PSI Press nashriyot firmasi va Perfectly Scientific konsalting firmasining asoschisi hisoblanadi.
Vafot
Richard Crandall 2012-yil 20-dekabrda Portlanddagi (Oregon sogʻliqni saqlash va fan universiteti) kasalxonasida vafot etgan.
Manbalar
uz.wikipedia.org