Renessans olimlari qomusi
Renessans olimlari qomusi — Oʻzbekiston Respublikasida chiqarilgan 1 jildli diniy shaxslar haqidagi ensiklopediya. Kitob o‘zbek, ingliz va arab tillarida tayyorlangan. Unda Oʻrta Osiyodan chiqqan yoki faoliyati Oʻzbekiston tarixi bilan bog‘liq bo‘lgan uch mingdan ortiq olimlar haqidagi qisqacha bio-bibliografik maʼlumotlar mavjud. Shaxslar xalqaro ko‘lamda eʼtirof etilgan arab, fors, turkiy va boshqa tillardagi manbalardan tanlab olingan. Ilmiy jamoatchilik hamda Markaziy Osiyo tarixi, madaniyati va ilm-faniga qiziquvchilar uchun mo‘ljallangan.
Kitob „Islomning Markaziy Osiyoga yoyilishi: Movarounnahrda diniy-maʼnaviy va ilmiy-madaniy markazlarning shakllanishi va rivojlanishi“ granti doirasida nashr etilgan. O‘zbekiston xalqaro islom akademiyasi Ilmiy Kengashi tomonidan nashrga tavsiya qilingan.
Manbalar
uz.wikipedia.org