Rani Hamid
Rani Hamid (1944-yil 14-iyulda tugʻilgan) - bangladeshlik ayol shaxmatchi, 1985-yilda mamlakatning birinchi ayol xalqaro ustasi boʻlgan. U jami 20 marta mamlakat chempioni boʻlgan.
Rani Hamid 75 yoshida ayollar oʻrtasidagi 38-milliy chempionatda gʻoliblikni qoʻlga kiritgan amaldagi mamlakat chempioni. U 2019-yil sentabrda shaxmat boʻyicha ayollar oʻrtasidagi 20-chi milliy chempionat da ham birinchilikni qoʻlga kiritdi. rRni Hamid, shuningdek, shaxmat boʻyicha ayollar oʻrtasida oʻtkazilgan Britaniya chempionatining uch karra gʻolibi hamdir. U 2018-yilda mintaqa chempioni boʻldi, 2018-yilda Rossiyada boʻlib oʻtgan shaxmat boʻyicha Jahon kubogida Jurnalistlar tanlovida sovrinini va 2017-yilda Dehli shahrida boʻlib oʻtgan Hamdoʻstlik shaxmat turnirida oltin medalni qoʻlga kiritdi.
Hayoti
Rani Hamid 1944-yilda Silxetdagi Sayeda Jasimunnessa Xatun qishlogʻida tugʻilgan. U 34 yoshida shaxmat oʻynay boshlagan. Rani Hamid 1985-yilda FIDE ayol xalqaro ustasi (WIM) unvoniga sazovor boʻldi.
Rani Hamid 1979-yildan 1984-yilgacha ketma-ket olti yil davomida mamlakat chempionligini qoʻlga kiritdi hamda jami 19 ta unvonga egalik qildi. Rani Hamid bu natijasiga koʻra, Bangladesh ayollar chempionatida eng koʻp gʻolib boʻlganlik ayolshaxmatchi hisoblanadi. U 1983, 1985 va 1989-yillarda ayollar oʻrtasidagi Britaniya chempionatida ham gʻoliblikka erishgan.
Rani Hamid 1985-yilda mamlakatdagi birinchi FIDE ayol xalqaro shaxmat ustasiga aylangan. Bu vaqtga kelib, u 1979-yildagi oʻzining birinchi milliy chempionligini qoʻlga kiritgan edi. 1984-yildan boshlab Rani Hamid barcha Jahon shaxmat olimpiadalarida qatnashgan (umumiy jamoada hisobida 3 marta).
Rani Hamid 75 yoshida, 2019-yil sentabr oyida Bangladesh milliy ayollar chempionligini qoʻlga kiritdi.
Rani Hamid 2018-yilda mintaqa chempioni boʻlgan. Rani Hamid Rossiyada boʻlib oʻtgan JCh-2018da "Jurnalistlar tanlovi" mukofotiga loyiq koʻrildi. U Dehlida boʻlib oʻtgan Hamdoʻstlik shaxmat boʻyicha 2017-yilda oltin medalini qoʻlga kiritdi.
Shaxsiy hayoti
Hamid 1959-yildan 2008-yilgacha sport tashkilotchisi podpolkovnik M.A. Hamid bilan bir oila boʻlib hayot kechirgan (uning vafotiga qadar). Ularning oʻgʻli Kaiser Hamid Mohammedan Sporting klubining sobiq futbolchisi va 1980--1990-yillarda Bangladesh milliy futbol jamoasining sardori boʻlgan. Ranining keyingi oʻgʻli Sohel Hamid skvosh boʻyicha mamlakat chempioni edi. Ranining kenja oʻgʻli Shajahan Hamid Bobby (2022-yil vafot etgan) milliy gandbolchi va birinchi divizion futbol ligasi oʻyinchisi boʻlgan. Shuningdek, Rani Hamidning Jabin Hamid ismli qizi ham bor.
Manbalar
uz.wikipedia.org