Rahmonqul Orzibekov
Rahmonqul Orzibekov — (1931, Jalolobod viloyati, Qirgʻiziston Respublikasi — 2011) adabiyotshunos, Filologiya fanlari doktori (1983), professor.
Faoliyati
Samarqand Davlat universitetini tugatgan (1956). Samarqand Davlat universiteti oʻzbek tilshunosligi kafedrasi oʻqituvchisi (1956—1958), oʻzbek adabiyoti kafedrasi katta oʻqituvchisi, dotsent, professor (1961-yildan).
Asarlari
„Oʻzbek lirik sheʼriyatida gʻazal va musammam“, „Tuyuq poetikasi“, „Oʻzbek sheʼriyatida murabbaʼ“, „Oʻzbek sheʼriyatida sirli-sinkretik janrlar“, „Hozirgi oʻzbek sheʼriyatida anʼanaviy janrlar“ (hammuallif), „Oʻzbek sheʼriyati janrlari“ (2-qism), „Sheʼriy sanʼatlar tahlili“, „Oʻzbek adabiyoti tarixi (XVII-XVIII asrlar)“, „XIX asrning birinchi yarmi oʻzbek adabiyoti tarixi“, „Oʻzbek adabiyoti tarixi(milliy uygʻonish davri)“ va boshqa koʻplab monografiya, oʻquv qoʻllanmalari, maqolalar toʻplamlari chop etilgan.
Mukofotlari
„Shuhrat“ medali bilan taqdirlangan (1995).
Manbalar
uz.wikipedia.org