Rachel McLauchlan
Rachel McLauchlan (1997-yil 7-iyulda tugʻilgan) — shotlandiyalik futbolchi, Reynjers klubi va Shotlandiya terma jamoasi himoyachisi. 2017-yilgi Yevropa chempionati ishtirokchisi.
Klubdagi karyera
U futbolchilik faoliyatini Inverness Sitida (2013—2014) boshlagan, keyin 2014-yilning avgustida Aberdinga koʻchib oʻtgan.
«Hibernian»
2016-yil yanvar oyida u Hibernian bilan shartnoma imzoladi. 2016-yil 5-oktabrda u UEFA Chempionlar ligasi 1/32 finalida «Bavariya»ga qarshi oʻyinda (0:6) debyut qildi, «Bavariya»ga qarshi javob oʻyinida (1:4) ham maydonga tushdi. Hibernian tarkibida u uch marta Shotlandiya chempionatining kumush medali sovrindori (2016, 2017, 2018), Shotlandiya kubogining uch karra gʻolibi (2016, 2017, 2018) va ikki marta (2017, 2018) Shotlandiya Ligasi kubogini qoʻlga kiritgan.
2016-yilning 6-noyabrida u «Glazgo City»ga qarshi finalda oʻynab, Shotlandiya kubogi sohibiga aylandi, bu oʻyinda Hibernian penaltilar seriyasida gʻalaba qozondi (1:1, pen. 6:5), McLauchlan uchrashuvning eng yaxshi futbolchisi sovrinini qoʻlga kiritdi.
2017-yil 28-mayda u Premer-liga doirasida Stirling universiteti jamoasiga qarshi oʻyinda (2:0) 87-daqiqada gol urib, hisobni ikki barobarga oshirdi. 2017-yilning 25-iyunida u Premer-liga doirasidagi Aberdinga qarshi oʻyinning (8:0) 19-daqiqada hisobni ochdi bu uning mavsumdagi ikkinchi goli boʻldi. U chempionatdagi uchinchi golini 2017-yil 24-sentabr kuni Stirling universiteti darvozasiga kiritdi, oʻshanda Rachel oʻyinning 13-daqiqada hisobni ochgan (2:0). 2017-yil 15-oktabrda u mavsumdagi 4-golini Aberdinga qarshi oʻyinda (7:2) kiritdi. 2017-yil 29-oktabr kuni Premer-liganing navbatdagi oʻyinida u spartaliklarga (8:0) qarshi penta-trikka erishgan. Hammasi boʻlib, 2017-yilgi mavsumda u Hibernian uchun Premer-ligada 18 ta oʻyin oʻtkazib, 9 ta gol urdi va 54 ochko bilan klub chempionatda Glazgo Citydan keyin 2-oʻrinni egalladi.
Oʻtgan mavsum oxirida toʻpigʻidan olgan jarohati tufayli 2018-yilgi mavsum boshida bir nechta oʻyinlarni oʻtkazib yuborgan. 2018-yilning 22-aprelida u Premer-liga doirasida «Seltik»ga qarshi oʻyinda 24 va 46-daqiqalarda gol urib (3:1) dubl qayd etgan. 2018-yil 6-may kuni boʻlib oʻtgan navbatdagi liga oʻyinida u Stirling universiteti jamoasi darvozasiga ham gol urdi (3:0). 2018-yilning 16-may kuni, 40-daqiqada u Premer-liga doirasida Xemilton Akademiklga qarshi oʻyinda (5:1) hisobni ochdi. 2018-yil 20-iyun kuni u Forfar Farmingtonga 20-daqiqada (6:0) gol urib, hisobni ochishga erishdi. 2018-yilning 29-iyulida u Premer-liga doirasida Xemilton Akademikalga qarshi oʻyinda (5:0) dubl qayd etgan. 2018-yil 28-oktabr kuni u Premer-liganing soʻnggi turida «Reynjers»ga qarshi oʻyinda (7:1) xet-trik qayd etdi. Umuman olganda, u 2018-yilgi mavsumda Premer-liganing 19 ta oʻyinida 10 ta gol urib, Hibernianda ikkinchi toʻpurar va chempionat toʻpurarlarining umumiy roʻyxatida uchinchi oʻrinni egalladi uning klubi ligada 2-oʻrinni egallab, UEFA chempionlar ligasida ishtirok etish huquqini qoʻlga kiritdi. Hibernian tarkibida u 2018-yilda Shotlandiya chempionatining kumush medal sovrindori, 2018-yilda Shotlandiya kubogi sohibi va 2018-yilda Shotlandiya ligasi kubogini qoʻlga kiritdi, oʻyinchilar ichida klubning eng yaxshi ayol futbolchisi deb topildi.
Yeovil Town
2019-yilning 24-yanvarida u Hiberniandan Angliyaning «Yeovil Town» klubiga koʻchib oʻtdi va FA Ayollar Superligasida oʻynadi oʻshanda Rachel jamoa bilan mavsum oxirigacha shartnoma imzolagan. 2019-yilning 27-yanvarida u «Yeovil Town» safida Superliganing «Bristol City» qarshi safar oʻyinida (1:2) asosiy tarkibda maydonga tushdi. 2019-yilning 10-fevralida u Angliya kubogida debyut qildi, u yerda «Yeovil Town» 4-turda «Birmingem City»ga (1:2) yutqazdi. Umuman olganda, 2018/19-yilgi mavsumda u «Yeovil Town» safida barcha musobaqalarda 8 ta oʻyin oʻtkazdi (7 tasi Superligada va 1 tasi Angliya kubogida) va klub chempionatni 6-oʻrinda yakunladi.
Glazgo City
2019-yil 10-iyulda u «Yeovil Town»dan Shotlandiyaning «Glazgo City» klubiga koʻchib oʻtdi. U 2019-yil 4-avgust kuni «Glazgo City» safida Premer-liga doirasida «Hibernian»ga qarshi (2:1) asosiy tarkibda maydonga tushgan oʻyinda debyut qilgandi. 2019-yil 11-sentabr kuni u 2019/20-yilgi UEFA Chempionlar ligasida ishtirok etdi, unda Glazgo Siti 1/32 finalning birinchi oʻyinida Rossiyaning Chertanovo klubini (1:0) magʻlub etdi. 2019-yil 18-sentabr kuni u Premer-liga doirasidagi «Reynjers»ga qarshi oʻyinda (2:0) «Glazgo City» darvozasiga 30-daqiqada birinchi golini urishga muavvafaq boʻldi. 2019-yil 26-sentabrda javob oʻyinida u Chertanovo darvozasiga gol urdi (4:1). 2019-yil 29-sentabr kuni u Premer-liga doirasida Stirling universiteti jamoasiga qarshi oʻyinda (8:1) 42 va 81-daqiqalarda oʻzini koʻrsatib, dubl qayd etdi. 2019-yil oktabr oyida u Chempionlar ligasining 1/16 final bosqichi doirasida Daniyaning «Brondbyu» klubiga (2:0 va 0:2) qarshi oʻyinda maydonga tushdi, bu oʻyinda «Glazgo City» penaltilar seriyasida gʻalaba qozondi (3:1). 2019-yil 23-oktabr kuni u «Glazgo City» tarkibida Shotlandiya chempioni boʻldi, u Motherwellni (10:0) ortda qoldirib, muddatidan oldin ketma-ket 13-chi chempionlikni qoʻlga kiritdi. 2019-yil 24-noyabrda u Hibernianga qarshi final oʻyinida maydonga tushib, Shotlandiya kubogi-2019 sohibiga aylandi, unda Glazgo Siti 4:3 hisobida gʻalaba qozondi. Hammasi boʻlib, 2019-yilgi mavsumda u «Glazgo City» uchun Premer-ligada 9 ta oʻyin oʻtkazib, 3 ta gol urdi.
Premer-ligadagi 2020-yilgi mavsum COVID-19 tarqalishi sababli bekor qilindi va oʻyinlar oʻtkazilamdi, shuningdek, Shotlandiya kubogi va Shotlandiya liga kubogi ham toʻxatatildi. 2020-yil 21-avgustda u Chempionlar ligasining 2019/20-yilgi mavsumining 1/4 finalining qoldirilgan oʻyinida oʻynadi, unda «Glazgo City» Germaniyaning «Volfsburg» jamoasiga qarshi bir oʻyinda yirik 1:9 hisobida magʻlub boʻldi. 2020-yil 18-oktabrda Rchel chempionatning 1-turida «Seltik»ga qarshi oʻyinda (2:0) darvozani ishgʻol qilib, 63-daqiqada hisobni ochdi. 2020-yil 1-noyabr kuni boʻlib oʻtgan Premer-liganing navbatdagi oʻyinida u Forfar Farmington (8:1) darvozasiga ham gol urdi. 2020-yilning 4-noyabrida Rachel Chempionlar ligasining 2020/21-yilgi mavsumi birinchi saralash bosqichida «Pimaunt Irlandiya»ga qarshi oʻynadi, oʻyinda «Glazgo City» penaltilar seriyasida 6:5 hisobida gʻalaba qozondi. 2020-yil 18-noyabr kuni u Chempionlar ligasining ikkinchi saralash bosqichi doirasida Islandiyaning Valur jamoasiga qarshi oʻyinda (1:1, pen. 4:3) ishtirok etgan. 2020-yil 22-noyabrda u Hartsga qarshi oʻyinda (5:0) raqib darvozasiga gol urib, 3-daqiqada hisobni ochgan.
Reynjers
2020-yilning dekabrida u Reynjersga oʻtdi va 2020-yilning yozida dastlabki shartnomasini imzoladi. 2020-yil 6-dekabrda Rachel «Reynjers» safida «Motherwell»ga qarshi uy uchrashuvida (9:0) asosiy tarkibda maydonga tushdi. 2021-yilning 23-mayida u Premyer-liga doirasidagi «Seltik»ga qarshi oʻyinda (1:2) «Reynjers» safidagi ilk golini urishga muvvafaq boʻldi. 2021-yil 30-may kuni u Premyer-liga oʻyinida 33-daqiqada Motherwell darvozasiga (6:0) zarba berib, «Reynjers» uchun ikkinchi golini urdi. Hammasi boʻlib 2020/21-yilgi mavsumda u «Reynjers» tarkibida 15 ta oʻyin oʻtkazdi (barchasi Premer-ligada) va 2 ta gol urdi.
Terma jamoadagi karyera
2013-yildan 2014-yilgacha U 17 yoshgacha boʻlgan Shotlandiya terma jamoasida oʻynagan, u 2013-yil 12-sentabrda Daniyaga qarshi oʻrtoqlik oʻyinida (1: 0) debyut qilgan. Milliy terma jamoa tarkibida u 2014-yilgi Yevropa chempionatida (17 yoshgacha boʻlgan qizlar oʻrtasida) ishtirok etdi, turnirda bitta oʻyin oʻtkazdi, guruh bosqichining soʻnggi oʻyinida Fransiyaga qarshi (0:1) zaxiradan maydonga tushdi.
2014-yildan 2016-yilgacha U Shotlandiyaning 19 yoshgacha boʻlgan terma jamoasida oʻynadi va 2014-yilning 20-avgustida Avstriyaga qarshi debyut qildi. 2014-yil 13-sentabrda ikkinchi oʻyinda (19 yoshgacha boʻlgan qizlar) 2015-yilgi Yevropa chempionatiga saralash oʻyinida Albaniyaga qarshi (8: 0) milliy terma jamoadagi (19 yoshgacha) birinchi golini urdi. U 19 yoshgacha boʻlgan Shotlandiya terma jamoasi safida jami 13 ta oʻyin oʻtkazib, 1 ta gol urgan.
2016-yil 20-oktabrda u bosh murabbiy Anna Signel boshchiligida Shotlandiya terma jamoasida Gollandiyaga qarshi oʻrtoqlik uchrashuvida (0:7) debyut qildi va 86-daqiqada Kersti Smit oʻrniga maydonga tushdi. 2017-yilning mart oyida u Kipr kubogida qatnashib, Avstriya (3:1) va Uels (0:0, 6:5 pen.) jamoalari bilan turnirda ikkita oʻyin oʻtkazdi hamda Shotlandiya 5-oʻrinni egallashiga xissa qoʻshdi.
2017-yil 27-iyun kuni u bosh murabbiy Anna Signel tomonidan Niderlandiyada boʻlib oʻtadigan 2017-yilgi Yevropa chempionati jamoasi uchun Shotlandiya terma jamoasining rasmiy roʻyhatiga kiritildi. Angliya, Ispaniya va Portugaliya jamoalari bilan birga bir guruhdan joy olishdi. Turnirda u Portugaliyaga qarshi asosiy tarkibda maydonga tushgan (1:2), 3-oʻrinni egallagan Shotlandiya esa guruhdan chiqmadi.
2018-yilning yanvar oyida Rachel milliy terma jamoaning yangi bosh murabbiyi Shelli Kerr qoʻl ostida Norvegiya (0:3) va Rossiya (0:0) bilan ikkita oʻrtoqlik uchrashuvida maydonga tushdi. 2019-yil may oyida Kerr Shotlandiya birinchi marta saralangan va Fransiyada boʻlib oʻtadigan JCh-2019 oʻyinlari uchun oʻz takrkibiga Rachelni kiritmadi. U 2021-yilning fevraliga qadar terma jamoa lageriga jalb qilinmagan. Bosh murabbiy Styuart Maklaren uni Kipr va Portugaliyaga qarshi 2022-yilgi Yevropa chempionati saralash oʻyinlarida ishtirok etishga chaqirdi.
Yutuqlar
Klubdagi yutuqlar
Hibernian Glazgo City Shaxsiy yutuqlar
Manbalar
Havolalar
uz.wikipedia.org