Qurbon minorasi
Qurbon minorasi — XV asrga taalluqli inshoot boʻlib, Hamadondagi Zand qabilasi yashaydigan mahallada joylashgan. Aslida bu minora Shayx ul-islom Hasan bin Attor Hofiz Abulaʼlo Hamadoniy va Saljuqiy amirlar dafn etilgan maqbaradir. Minoraning Qurbon nomi bilan nomlanishining sababi shundan iboratki, Safaviylar davridagi norozilik yurishlarida Qurbon ismli shaxs maqbarada joylashib, undan qoʻrgʻon sifatida foydalangan va oʻz mahallasini qaroqchilardan himoya qilgan. 1933-yilda olib borilgan izlanishlar natijasida maqbara ichkarisida Saljuqiylar xonadoniga tegishli xilxona topilgan. Bundan tashqari Hamadon-Toʻyserkon qadimiy yoʻlida Ashtaron qalʼasi ham mavjud.
Manbalar
uz.wikipedia.org