Quinton Howden

Quinton Howden (talaffuzi: Kyuinton Hovden) (1992-yil 21-yanvarda tugʻilgan) — kanadalik professional xokkeychi. Quinton Howden hozirda erkin agent hisoblanadi. Quinton Howden oxirgi marta Deutsche Eishockey Liga (DEL)ning „Kölner Haie“ xokkey jamoasida oʻynagan. Quinton Howden, shuningdek, Kanada milliy xokkey terma jamosi uchun 2011—2012-yilgi oʻsmirlar oʻrtasidagi xokkey boʻyicha jahon chempionatida ishtirok etish uchun tanlangan edi.

Oʻyin faoliyati

Quinton Howden besh yoshida xokkey oʻynashni boshlagan edi. Xokkey oʻynashni boshlashdan oldin Quinton Howden velosiped halokatida son suyagini sindirib oldi va ikki oyni koʻkragidan oyogʻigacha gipsda oʻtkazishga majbur boʻldi. Jarohat tufayli shifokorlari uning yaxshi sportchi boʻlishiga shubha qilishgan edi.

Quinton Howden 2007-yilda G'arbiy Xokkey Ligasi (WHL) vakili „Moose Jaw Warriors“ xokkey klubi safiga qoʻshildi. Milliy Kollej Atletika Assotsiatsiyasi (NCAA) va WHL oʻrtasidagi imkoniyatlarini koʻrib chiqqandan soʻng, Quinton Howden klub safiga qoʻshilganidan koʻp oʻtmay „Warriors“ jamoasi bilan shartnoma imzolashni tanladi.

„Moose Jaw“ xokkey klubi bilan 65 ochkolik mavsumdan soʻng, Quinton Howden „Florida Panthers“ xokkey klubi safiga 2010-yilgi NHL kirish loyihasida 25-oʻrindagi tanlov asosida qabul qilindi. 2011-yilda Quinton Howden „Florida Panthers“ xokkey klubi bilan uch yillik boshlangʻich darajadagi shartnoma imzoladi.

„Panthers“ xokkey klubidagi toʻrt mavsumdan soʻng,Quinton Howden klubdan yangi taklif olmadi. Shuning uchun 2016-yil 1-iyulda Quinton Howden „Winnipeg Jets“ xokkey klubi bilan bir yillik ikki tomonlama shartnoma imzolash uchun erkin agent sifatida klubni tark etdi.

Quinton Howden 2016—2017-yilgi mavsumning koʻp qismini „Jets“ xokkey klubining AHL filiali „Manitoba Moose“ jamoasi bilan oʻtkazdi.

Erkin agent sifatida Quinton Howden 2017-yil 18-avgust kuni Kontinental Xokkey Ligasi (KHL)ning „Dinamo Minsk“ xokkey jamoasi bilan shartnoma imzoladi.

Quinton Howden "Dinamo Minsk" xokkey jamoasida ikki mavsum oʻynadi. Shundan keyin, Quinton Howden 2019-yil 6-avgustda „Torpedo Nizhny Novgorod“ xokkey klubi bilan KHLdagi faoliyatini davom ettirish uchun bir yillik shartnoma imzoladi.

Quinton Howden

Oʻyin faoliyati

Shaxsiy hayoti

Faoliyat statistikasi

Muntazam mavsum va pley-off oʻyinlari

Xalqaro

Manbalar