Pablo Torre
Pablo Torre Carral (2003-yil, 3-aprelda tugʻilgan) — ispaniyalik professional futbolchi, Barcelonaning Atletic klubida hujumkor yarim himoyachi sifatida oʻynaydi.
Klubdagi faoliyati
Racing Santander
Soto de la Marina shahrida tugʻilgan, Kantabriya, Torre 2015-yilda CD Marina Sportdan Racing de Santanderning yoshlar tarkibiga qoʻshildi. 2020-yilning 15-aprelida yosh bulishiga qaramay u klub bilan 2025-yilning iyuniga qadar professional shartnoma imzoladi.
Torre kattalar safidagi debyutini zaxiradan maydonga tushgan holda 2020-yil, 19-iyul kuni Tercera División pley-off bosqichi Gimnastica de Torrelavegaga qarshi safarda 1:1 hisobida yakunlangan oʻyinda oʻtkazgan. Avgust oyida, atigi 17 yoshda toʻlgan Torre, bosh murabbiy Javi Rozada qoʻl ostidagi mavsum oldidan asosiy jamoa tarkibida mashgʻulot oʻtkazib turgan va sentabr oyida asosiy tarkibga koʻtarildi.
Torre 2020-yilning 18-oktabr kuni Segunda B divizionining 2020-21-yilgi ochilish o‘yinida, Club Portugaletega qarshi o‘z uyida 1:1 hisobida durang qayt etilgan oʻyinda Racing safidagi ilk debyutini o‘tkazgan. U oʻzining birinchi golini 21-fevral kuni oʻz maydonida CD Laredoga qarshi oʻyinda (3:1) kiritgan; Olti kundan soʻng u Barakaldo CF mehmoni boʻlgan 4:0 hisobida dubl qayd etdi.
Kattalar safidagi birinchi toʻliq mavsumida muntazam asosiy tarkibda maydonga tushgan Torre 2021-22-yilgi mavsum oldidan Primera División RFEF deb nomlangan yangi uchinchi bosqichda 10-raqamli formaga ega boʻldi. U 32 ta oʻyinda (pley-off oʻyinlari bilan birga) oʻnta gol urishga hissa qoʻshdi, natijada Racing Segunda divizioniga koʻtarildi.
Barcelona
2022-yil, 4-martda Barcelona klubi Racing bilan Torrening transferi bo‘yicha 5 million yevro va o‘zgaruvchilar evaziga kelishuvga erishdi va u dastlab 2022-23-yilgi mavsum uchun B jamoasiga qoʻshildi. U 15-iyun kuni Barcelona bilan 2026-yilning iyuniga qadar shartnoma imzoladi.
Shaxsiy hayoti
Torrening otasi Esteban ham futbolchi va yarim himoyachi boʻlgan. U faoliyatining koʻp qismini Racingda oʻtkazgan.
Faoliyat statistikasi
Klub
2022-yil, 5-oktabr holatiga ko'ra
Yutuqlari
Racing Santander Manbalar
uz.wikipedia.org