O'zgarmas xarajat
Ishlab chiqarish hajmining oʻzgarishiga (qisqarishi yoki ortishi) bogʻliq boʻlmagan tovarlarning hajmiga taʼsir etmaydigan xarajatlar
oʻzgarmas(doimiy) harajatlar deyiladi.
Oʻzgarmas(doimiy) (ingliz til. Fixed cost FC) ishlab chiqarish hajmiga bogʻliq boʻlmaydi, uning oʻsishiga ham bevosita taʼsir etmaydi va ishlab chiqarishning har qanday, hatto nolinchi hajmida ham mavjud boʻladi. Bunga korxonaning toʻlov majburiyatlari (zayomlar boʻyicha foiz va boshqa), soliqlar, amortizatsiya ajratmalari, ijara haqi, qoʻriqlash xizmatiga toʻlov, uskunalarga xizmat koʻrsatish sarflari, boshqaruv xodimlari maoshi va shu kabilar kiradi.¹
Bu yerda: FC-oʻzgarmas(doimiy) xarajat , TC- umumiy xarajat , VC- o'zgaruvchi xarajat
Korxona foydalanadigan koʻplab resurslar miqdori, yaʼni jonli mehnat, xom-ashyo, yonilgʻi va energiya sarflari tovar hajmining oʻzgarishiga tez va oson taʼsir qiladi. Boshqa resurslar sarfi taʼsirida tovar hajmi oʻzgarishi uchun uzoq vaqt talab qilinadi. Masalan, ogʻir sanoat tarmoqlarining ishlab chiqarish quvvatlari ancha uzoq vaqt oraligʻida mahsulot miqdori oʻzgarishiga taʼsir qilishi mumkin. Demak, ishlab chiqarish xarajatlarini hisobga olishga vaqt omili, yaʼni xarajat qilingandan pirovard natija olinguncha oʻtgan davr sezilarli taʼsir koʻrsatadi. Shu sababli vaqt omilidan kelib chiqib, ishlab chiqarish xarajatlarini qisqa va uzoq muddatli davrda alohida taxlil qilinadi.
Korxona ishlab chiqarish hajmini oʻzgartirshl uchun qisqa muddatli davrda faqat oʻzining oʻzgaruvchi xarajatlari miqdorini oʻzgartirishi mumkin. Bu qisqa muddatli xarajatlardir.
Ishlab chiqarish quvvatlari esa (ishlab chiqarish inshootlari maydoni, mashina va uskunalar miqdori) doimiy boʻlib qoladi hamda bu davr faqat ulardan foydalanish darajasini oʻzgartirish uchun yetarli boʻlishi mumkin.
Boshqacha aytilganda qiska muddatli davr oraligʻida korxonaning ishlab chiqarish quvvatlari oʻzgarishsiz qoladi, ishlab chiqarish hajmi esa koʻp yoki kam miqdorda jonli mehnat, xom ashyo va boshqa resurslarni qoʻllash yoʻli bilan oʻzgarshii mumkin. Mavjud ishlab chiqarish quvvatlaridan esa koʻp yoki kam darajada intensiv foydalanish mumkin.
Uzoq muddatli davr bu korxonaning ishlab chiqarish quvvatlarini ham oʻz ichiga olgan, butun band boʻlgan resurslari miqdorini oʻzgartirish uchun yetarli boʻlgan davrdir. Bu davr davomida boshqa tarmoqda faoliyat qilib turgan korxonalar mazkur tarmoqqa kirib kelishi mumkin.
Bu yerda shuni taʼkidlash lozimki, ishlab chiqarish quvvatlarining oʻzgarishi taqozo qiladigan qisqa va uzoq muddatli davr davomiyligi ayrim tarmoq va korxona xususiyatidan kelib chiqib farqlanish mumkin. Masalan, yengil sanoat tarmogʻida kiyim-kechak ishlab chiqaradigan kichkina firma, bir nechta qoʻshimcha tikuv mashinasi oʻrnatish bilan oʻzining ishlab chiqarish quvvatlarini qisqa vaqtda (bir necha kunda) oshirish mumkin. Ogʻir sanoat tarmoqlarida yangi quvvatlarni ishga tushirish uchun bir necha yil talab qilinadi. Oqibat natajada barcha xarajat turlari oʻzgaradi va oʻzgaruvchi miqdorlar boʻlib qoladi.
Manba
uz.wikipedia.org
Sun'iy intellekt javobi:
O‘zbek tilida o‘zgarmas xarajat (yoki ingliz tilida "fixed costs") — bu ishlab chiqarish yoki biznes faoliyati darajasidan qat’i nazar, doimiy ravishda mavjud bo‘ladigan xarajatlardir. Ya’ni, mahsulot ishlab chiqarish miqdori ko‘payish yoki kamayishiga ta’sir qilmaydi, ular har oy, yil uchun oldindan belgilangan miqdorda to‘lanadi.
O‘zgarmas xarajatlarning xususiyatlari:
- Doimiy bo‘lishi: Ular ishlab chiqarish hajmidan mustaqil, har doim o‘zgarmaydi.
- Miqdori oldindan aniq: Masalan, ofis ijarasi uchun to‘lov, asosiy xodimlarning maoshi, sug‘urta badallari, kredit bo‘yicha foizlar va boshqa shunga o‘xshash xarajatlar o‘zgarmas xarajatlar qatoriga kiradi.
- Qisqa va uzoq muddatda farqi: Qisqa muddatda o‘zgarmas xarajatlar deyarli o‘zgarmaydi, lekin uzun muddatda ularni kamaytirish yoki ko‘paytirish mumkin bo‘ladi, masalan, yangi ish joyini ijaraga olish yoki uni bekor qilish orqali.
Misollar:
- Ofis yoki do‘kon ijara haqi
- Ma’muriyat xodimlarining maoshi
- Sug‘urta badallari
- Soliq va litsenziya to‘lovlari
- Avtomatlashtirilgan uskunalar uchun amortizatsiya xarajatlari
Nega o‘zgarmas xarajatni bilish muhim?
Biznesda o‘zgarmas xarajatlarni hisobga olish — asosiy rentabellikni aniqlashda, narxni belgilashda, shuningdek, biznesning minimal daromad talabini tushunishda yordam beradi. Chunki hatto bir dona mahsulot ham ishlab chiqarilmasa, o‘zgarmas xarajatlar ham mavjud bo‘lib qoladi.
Xulosa qilib aytganda, o‘zgarmas xarajatlar - bu ishlab chiqarish hajmiga bog‘liq bo‘lmagan, doimiy ravishda qo‘nib qoladigan xarajatlardir.