Oʻzbekiston Yozuvchilar uyushmasi
Oʻzbekiston Yozuvchilar uyushmasi — yozuvchilarning koʻngilli ijodiy jamoat tashkiloti. 1934-yil 8—11-martda boʻlgan Oʻzbekiston yozuvchilarining I qurultoyida tashkil etilgan. Bungacha ular turli toʻgarak va uyushmalar holida faoliyat koʻrsatgan. Jumladan, 1919-yil „Chigʻatoy gurungi“ nomli adabiy toʻgarak atrofida uyushgan jadidlar oʻzbek milliy adabiyotining shakllanishiga hissa qoʻshgan. 1926-yilda Samarqandda „Qizil qalam“ nomli adabiy tashkilot tuzilgan, bu tashkilotning Qoʻqon, Fargʻona, Namanganda mahalliy shoxobchalari ish olib borgan.
Tarixi
Uyushmaning birinchi raisligiga adabiyotshunos Rahmat Majidiy saylangan. Turli yillarda uyushmaga Hamid Olimjon, Oybek, Sharof Rashidov [1949-1950], Uygʻun, Abdulla Qahhor, B. Rahmonov, Sarvar Azimov, Oʻlmas Umarbekov, Odil Yoqubov, Abdulla Oripov, Bobur Alimov, Muhammad Ali rahbarlik qilgan. 2018-yildan uyushmaga Oʻzbekiston xalq shoiri Sirojiddin Sayyid raislik qilmoqda.
Oʻzbekiston yozuvchilarining asosiy maqsad va vazifasi hamda tashkiliy huquqiy shakli uyushmaning ustavi, guvohnomasi, ramzi va guvohnomasida oʻz ifodasini topgan.
Oʻzbekiston Yozuvchilar uyushmasining rahbari va uning uch nafar oʻrinbosari, Oʻzbekiston Yozuvchilar uyushmasining barcha viloyat boʻlimlari mas’ul kotiblari bor. Oʻzbekiston Yozuvchilar uyushmasining shtat birligi jami: 47 kishi boʻlib, shulardan barcha viloyatlarda jami 24 nafar xodim faoliyat koʻrsatadi.
Oʻzbekiston Yozuvchilar uyushmasi Oʻzbekiston Respublikasi Prezidenti devoni, Oʻzbekiston Respublikasi Vazirlar Mahkamasi, vazirliklar, Oʻzbekiston respublikasi Fanlar akademiyasi, respublika maʼnaviy targʻibot markazi, jamgʻarmalar, boshqa uyushmalar va boshqa jamiki davlat hamda jamoat tashkilotlari bilan hamkorlikda faoliyat olib boradi.
Oʻzbekiston Yozuvchilar uyushmasining chet davlatlarda vakolatxona va filiallari yoʻq.
Uyushmaning 700 ga yaqin aʼzosi bor. Viloyatlarda oʻz boʻlimlariga, Doʻrmon qishlogʻida ijod uyiga, shifoxona maskani, Adabiyot jamgʻarmasi („Ijod“) va nashriyotiga ega. Muassisligida „Sharq yulduzi“, „Zvezda Vostoka“, „Yoshlik“ jurnallari hamda „Oʻzbekiston adabiyoti va sanʼati“, „Yozuvchi“ gazetalari chop etiladi. 2002-yilda Xalqaro aloqalar va badiiy tarjima kengashi tashkil etildi.
Manbalar
https://lex.uz/docs/3783426
Havolalar
uz.wikipedia.org
Sun'iy intellekt javobi:
O‘zbekiston Yozuvchilar uyushmasi — bu O‘zbekiston Respublikasidagi professional yozuvchilar, shoirlar, adiblar va tarjimonlarni jamlagan nufuzli ijodiy tashkilotdir. Uning asosiy maqsadi milliy adabiyot rivojiga hissa qo‘shish, yozuvchilar va adabiyotshunoslarni qo‘llab-quvvatlash hamda ularning ijodiy faoliyatini rag‘batlantirishdir.
O‘zbekiston Yozuvchilar uyushmasi 1934-yilda tashkil etilgan bo‘lib, u mamlakatimizdagi eng qadimiy va muhim madaniy tashkilotlardan biridir. Uyushma jamiyat, madaniyat va davlat tomonidan katta hurmatga sazovor bo‘lib, adabiyot sohasida yangiliklar va ijodiy faollikni rivojlantirishga xizmat qiladi.
Uyushmaning asosiy vazifalari quyidagilardan iborat:
- Yozuvchilar va shoirlarning ijodini qo‘llab-quvvatlash, ularning asarlarini nashr etishga ko‘maklashish.
- Yangi avlod adiblarini kashf qilish va ularni rivojlantirishga yordam berish.
- Milliy va jahon adabiyoti bilan tanishtirish, madaniy almashinuvni tashkil etish.
- Adabiyot sohasida ilmiy-tadqiqot ishlarini olib borish.
- Yozuvchilar uchun o‘quv seminarlar, adabiy kechalar, festival va tanlovlar o‘tkazish.
O‘zbekiston Yozuvchilar uyushmasi a’zolari orasida ko‘plab taniqli adiblar va shoirlar bor. Bu tashkilot orqali ularning ijodi xalqaro maydonda ham tanilgan va qadrlangan.
Bugungi kunda uyushma o‘z faoliyatida zamonaviy texnologiyalarni qo‘llab, yosh yozuvchilarni qo‘llab-quvvatlash, ularning ijodiy imkoniyatlarini kengaytirishga katta e’tibor qaratmoqda.
Demak, O‘zbekiston Yozuvchilar uyushmasi nafaqat adabiyot rivojiga xizmat qiluvchi tashkilot, balki milliy madaniyat va ma’naviyatning mustahkam poydevorlaridan biridir.