Oʻzbekiston Respublikasi Oliy Majlisi senatorlari roʻyxati
Oʻzbekiston Respublikasi Oliy Majlisi senatorlari roʻyxati Oʻzbekiston Respublikasi Oliy Majlisi Senatining senatorlaridan iboratdir. Parlamentning quyi palatasi kabi Senat ham mamlakatning asosiy vakillik organi bo‘lib, ijtimoiy-siyosiy va davlat-mintaqaviy vakillikni ifoda etadi. Oliy Majlis Senati Oʻzbekistonda alohida siyosiy institut bo‘lib, keng vakolatlarga ega bo‘lib, qonun ijodkorligi jarayonining yaxlit tizimida, jumladan, ijro etuvchi va sud hokimiyati bilan o‘zaro hamkorlikda muhim o‘rin egallaydi. Oliy palataning nazorat funksiyalarini amalga oshirish parlament faoliyatining asosiy elementlaridan biri sifatida barcha darajadagi qonunlarning to‘g‘ri tatbiq etilishiga, har bir shaxsning huquq va erkinliklariga rioya etilishini ta’minlashga qaratiladi. Senat aʼzolari (senatorlar) Qoraqalpogʻiston Respublikasi Joʻqorgʻi Kengesi, viloyatlar, tumanlar va shaharlar davlat hokimiyati vakillik organlari deputatlarining tegishli qoʻshma majlislarida mazkur deputatlar orasidan yashirin ovoz berish yoʻli bilan Qoraqalpogʻiston Respublikasi, viloyatlar va Toshkent shahridan teng miqdorda — olti kishidan saylanadi. Senatning oʻn olti nafar aʼzosi fan, sanʼat, adabiyot, ishlab chiqarish sohasida hamda davlat va jamiyat faoliyatining boshqa tarmoqlarida katta amaliy tajribaga ega boʻlgan hamda alohida xizmat koʻrsatgan eng obroʻli fuqarolar orasidan Oʻzbekiston Respublikasi Prezidenti tomonidan tayinlanadi.
Senatorlar saylanishi
2020-yilning 16–17-yanvar kunlarida Oʻzbekiston viloyatlarida, tumanlarida va shaharlarida, Qoraqalpogʻiston Joʻqorgʻi Kengesida davlat vakillik organlari deputatlarining qoʻshma yigʻlishlari boʻlib oʻtdi. Unda xalq deputatlari orasidan Senat aʼzolari saylandi. Hududiy vakillik palatasi bo‘lgan Senat a’zolari teng miqdorda – Qoraqalpog‘iston, viloyatlar va Toshkent shahridan 6 nafardan – jami 84 nafardan saylandi. 2020-yilgi Markaziy saylov komissiyasi maʼlumotlariga koʻra, 23 nafar ayol senator va 61 nafar erkak senator boʻlgan edi. 84 nafar senatordan 77 nafari yoki 92 foizi oʻzbeklar, 3 nafari qoraqalpoqlar, 2 nafari tojiklar, 1 nafari qozoq va 1 nafari ruslar boʻlgan edi.
Partiyaviy tegishligi [4]
Senat kengashi
Senatorlar roʻyxati
Yana qarang
Manbalar
uz.wikipedia.org