Oʻzbekiston ekologik partiyasi
O‘zbekiston Ekologik partiyasi tarixi
2018 yil 14 noyabrda O‘zbekistonda Ekologik partiya tashkil etish tashabbuskorlari yig‘ilishida Tashkiliy qo‘mita tuzildi. Eko-partiya tuzish bo‘yicha chora-tadbirlar "Yo‘l xaritasi" ishlab chiqildi. Qonunchilikni takomillashtirish, xalqaro hamkorlik, jamoatchilik ekologik nazorati va ekologik muammolarni hal qilish amaliyotida 2008 yildan buyon faoliyat yuritayotgan O‘zbekiston Ekologik harakatining tajribasini saqlab qolish va yangi siyosiy kuchga o‘tkazishga qaror qilindi.
2018 yil 1-17 dekabr kunlari Qoraqalpog‘iston Respublikasi, viloyatlar va Toshkent shahrida O‘zbekiston Ekologik partiyasining ta’sis qurultoyiga delegatlar saylash bo‘yicha konferentsiyalar bo‘lib o‘tdi.
2019 yil 8 yanvarda Toshkentda O‘zbekiston Ekologik partiyasining Ta’sis qurultoyi bo‘lib o‘tdi, partiyaning Dasturi, Ustavi va ramzlari tasdiqlandi va uning boshqaruv organlari saylandi.
2019 yil 22 yanvarda O‘zbekiston Ekologik partiyasi O‘zbekiston Adliya vazirligida ro‘yxatga olindi. 27 fevral - 4 mart kunlari Qoraqalpog‘iston Respublikasi, viloyatlar va Toshkent shahrida O‘zbekiston Ekologik partiyasi hududiy partiya tashkilotlarini tashkil etish bo‘yicha konferentsiyalar bo‘lib o‘tdi. May-iyul oylarida viloyat va shahar konferentsiyalarida O‘zbekiston Ekologik partiyasining viloyat va shahar partiya tashkilotlari tuzildi.
2023-yil 1-oktabr holatiga ko‘ra, partiya 14 ta hududiy va 208 ta tuman va shahar partiya tashkilotlaridan iborat. Boshlang‘ich partiya tashkilotlari ko‘plab mahallalarda, korxona, muassasa va tashkilotlarda ishlaydi. Shu kunga qadar 483 ming 883 nafar odam O‘zbekiston Ekologik partiyasi a’zosiga aylandi, ulardan 48.5 foizi ayollar, 42 foizi yoshlardir.
Mahalliy Kengashlardagi partiya deputatlari
Viloyat Kengashlarida –
84 nafar deputat (
14 ta deputatlik guruhi), tuman va shahar Kengashlarida –
525 nafar deputat (
120 ta deputatlik guruhi)
Partiya aʼzolarining umumiy soni
483 883 nafar (shundan
235081 nafari
(48,5 %) ayollar,
203230 nafari
(42%) yoshlar)
Havolalar
• Partiyaning rasmiy veb-sayti
• Facebook.com/ecopartyuzb
• Instagram.com/ecopartyuzb
• YouTube.com/c/ecouz
uz.wikipedia.org