Oybek Mamazulunov

Oybek Karimsher oʻgʻli Mamazulunov (1989-yil 25-dekabr, Andijon) — oʻzbek bokschisi, oʻrta va engil vazn toifasida ringga tushadi. U 2010-2016-yillar mobaynida boks boʻyicha Oʻzbekiston terma jamoasi safida jangga koʻtarilgan, jahon chempionati bronza medali sovrindori, Osiyo oʻyinlari bronza medali sovrindori, Osiyo chempioni, koʻplab xalqaro turnirlar gʻolibi va sovrindori boʻlgan.

Tarjimai hol

Oybek Mamazulunov 1989-yil 25-dekabrda Oʻzbekistonning Andijon shahrida tugʻilgan.

U ilk bor 2010-yilgi mavsumda boks boʻyicha Oʻzbekiston chempionatida oʻrta vazn toifasida gʻoliblikni qoʻlga kiritib, oʻzini tanitgan.

2011-yilda Oʻzbekiston terma jamoasi tarkibiga qoʻshildi va Bishkekdagi Duyshenqul Shopokov xotirasiga bagʻishlangan musobaqada gʻolib chiqdi.

2012-yilda Oybek engil vazn toifasida ringga koʻtarildi, Shopokov memorialida yana eng yaxshisi boʻldi, yarim finalda rossiyalik Egor Mexonsevga yutqazib, Toshkentdagi Sidney Jekson memorialining bronza medali sohibiga aylandi.

Uning sport faoliyatidagi eng muvaffaqiyatli mavsumlardan biri 2013-yilda u Ammanda boʻlib oʻtgan Osiyo chempionatida oltin medalni qoʻlga kiritdi va Olma-Otadagi jahon chempionatida yarim finalda qozogʻistonlik Adilbek Niyazymbetovga imkoniyatni boy berib, bronza medalini qoʻlga kiritgan.

2014-yilda u Incheondagi Osiyo oʻyinlarida yarim ogʻir vazn toifasida qoʻlga kiritgan bronza medalini medallar roʻyxatiga qoʻshib qoʻydi. U Olma-Ota shahrida boʻlib oʻtgan Prezident kubogida ishtirok etib, chorak finalda Qozogʻiston vakili Daniyar Yeleussinov ustidan gʻalaba qozondi.

2015-yilda Samarqandda boʻlib oʻtgan Oʻzbekiston chempionatida 81 kilogrammgacha vazn toifasida bronza medali sovrindori boʻlgan.

2016-yilda Atirauda oʻtkazilgan xalqaro turnirda kumush medalni olishga erishdi.

Havolalar

Manbalar

uz.wikipedia.org