Oxot dengizining chuqurligidagi zilzila

Oxot dengizining chuqurligidagi zilzila — 2013-yil 24-may kuni mahalliy vaqt boʻyicha soat 16:44 da sodir boʻlgan (Moskva vaqti bilan 9:44) 8,3 magnitudali zilziladir. Zilzila epitsentri koordinatalari 54,86 ° sh. k. 153,41° shq. u. boʻlgan nuqtada, Oxot dengizi suvlarida, Kamchatka yarim orolining gʻarbiy qirgʻogʻida, Petropavlovsk-Kamchatskiydan 560 km gʻarbda joylashgan. Zilzila gipomarkazi taxminan 600 km chuqurlikda joylashgan.

Kamchatkada yer silkinishlari 5 ballik kuchida sezilgan. Yarim orolda yer osti silkinishlari besh daqiqa davom etgan. Binolarda mebellar chayqalib, koʻp odamlar uylardan koʻchaga yugurib chiqishgan. Kamchatka oʻlkasi Favqulodda vaziyatlar vazirligi bosh boshqarmasi xabar berishicha, kuchli zilzila natijasida qurbonlar va vayronalar boʻlmagan. 2 balli silkinish Moskvaga yetib borgan.

4-5 magnitudali silkinishlar Saxalin va Kuril orollarida ham sezilgan. Shimoliy-Kurilsk (Paramushir) qirgʻoq boʻyidagi korxonalar xodimlari evakuatsiya qilingan, ovoz kuchaytirgichlar orqali sunami xavfi eʼlon qilingan, keyinchalik bekor qilingan.

Oxot dengizidagi zilzila chuqur joylashgan zilzilalar sinfiga kiradi va bu sinfdagi eng kuchlisi deb tan olingan. Shu bilan birga, geologlar yer jinslarida yoriqlar tarqalishining rekord tezligini qayd etishgan. Zilzila markazi juda chuqur joylashganligi tufayli, Rossiya hududining koʻp qismida — Moskva, Nijniy Novgorod, Novosibirsk, Krasnoyarsk, Baykal koʻli va Xabarovsk, sezilgan.

Yana qarang

Manbalar

Bibliografiya

uz.wikipedia.org