Otto Kruger
Otto Kruger (talaffuzi: „Otto Kruger“, 1885-yil 6-sentyabr — 1974-yil 6-sentyabr) amerikalik aktyor, asli Brodveylik boʻlib, Hitchcock’s Saboteur kabi filmlarda maftunkor yovuz qahramon sifatida oʻz oʻrnini topgan. Shuningdek, u CBS telekanalidagi Perry Mason va boshqa teleseriallarda ham suratga tushgan. U Janubiy Afrika prezidenti Paul Krugerning nevarasi edi.
Erta hayoti va taʼlimi
Ogayo shtatining Toledo shahrida tugʻilgan Kruger nemis millatidan edi. U Bernard Alben Kruger va Elizabeth Winers Krugerning oʻgʻli boʻlib Janubiy Afrikalik kashshof va prezident Paul Krugerning nevarasi edi.
Otto musiqiy tayyorgarlikdan oʻtgan, ammo Michigan universitetida muhandislik boʻyicha oʻqiganidan soʻng karerasini oʻzgartirdi va aktyor boʻldi.
Karyerasi
1915-yilda Brodveyda debyut qilgan Kruger tezda yaxshi aktyorga aylandi. U 1920-yillarning boshlarida eʼtiborga tusha boshlagan boʻlsa-da, uning karerasi eng yuqori choʻqqisiga chiqqan 1930-yillar edi. Uning ovozli filmdagi debyuti „Turn Baack the Clock“ (1933) filmida boʻldi. Shuningdek, „Chained“ (1934) filmida ham barakali ijod qildi.
Vaqti-vaqti bilan u qahramon rolini oʻynagan boʻlsa-da, u faoliyatining koʻp qismida asosiy yovuz odam yoki maftunkor yoki buzuq biznesmen rolini oʻynadi. Uning eng mashhur rollaridan biri Douglas Sirkning „Magnificent Obsession“ (1954) filmidagi edi. Kruger Sudya Persy Mettrickning yordamchi rolini oʻynadi.
Shaxsiy hayoti, keyingi yillari va sharaflari
1920-yil 20-martda Kruger Brodvey aktrisasi Susan „Sue“ McManamiga uylandi. Ularning qizi Ottili Kruger (1926-2005) ham aktrisa edi va kashshof kinematograf Gayne Rescherning birinchi xotini edi.
Kruger 1944-yilda Amerika Qoʻshma Shtatlari prezidentlik saylovlarida Thomas Deweyni qoʻllab-quvvatlagan.
Kruger oʻzining 89 yoshga toʻlgan kunida Kaliforniyaning Vudlend-Xillz shahridagi Kino va televidenie Country Houseda vafot etdi.
Kruger Gollivud shon-shuhrat xiyobonida ikki yulduz bilan taqdirlandi; biri televizor uchun, biri kino uchun.
Filmografiyasi
Manbalar
uz.wikipedia.org