Osiyo laylagi

Osiyo laylagi (lotincha: Ephippiorhynchus asiaticus) — laylakdoshlar turkumiga mansub suvga yaqin qush, egar tumshugʻli (Ephippiorhynchus) urugʻidagi ikki turdagi laylaklardan biri.

Tavsif

Osiyo laylagi tanasining uzunligi 130-150 santimetrga, qanotlari 230 santimetrga yetadi. Uning boshi, boʻyni va qanot patlari qora, qolgan patlari oq. Tumshugʻi ham qora, uzun oyoqlari yorqin qizil rangda. Qushlarning jinsini koʻz rangi bilan ajratish mumkin: urgʻochilarda ular sariq, erkaklarda jigarrang boʻladi. Joʻjalardagi patlar ochiq jigarrang, oyoqlarida esa toʻq jigarrang. Osiyo laylagi uchish paytida uzun boʻynini oldinga choʻzadi.

Osiyo laylagi ikkita kichik turga ega:

Areal

Osiyo laylagi janubiy va janubi-sharqiy Osiyoda uchraydigan yagona laylak turi. Hindistonning janubidan Vetnamgacha tarqalgan. Uning yashash joyining janubiy chegarasi shimoliy Avstraliyadir.

Odatlar

Osiyo laylagi Osiyo va Avstraliyaning tropik hududlaridagi botqoqlarda va suv havzalari qirgʻoqlarida uya qurib, tuxum qoʻyadi va bu davrda ular kichik guruhlarda yashaydi. Urgʻochi laylak aylana diametri 2 metr boʻlgan uyada 3 tadan 5 tagacha tuxum qoʻyadi. Ota-ona laylaklarning ikkalasi ham tuxumni bosib yotadi va va joʻjalar chiqadi. Bu qushlar baliq, qurbaqa, yirik hasharotlar, kamdan-kam hollarda esa mayda kemiruvchilar, qushlar va kaltakesaklar bilan oziqlanadi.

Bu tur Avstraliyada yoʻqolib ketish xavfi ostida hisoblanadi (birinchi navbatda, suv muhitining ifloslanishi va odamlarning ular yashaydigan hududlarga kirib kelishi tufayli).

Fotosurat

Manbalar

uz.wikipedia.org