Oq shokolad
Oq shokolad shakar, sut va kakao moyidan tayyorlanadigan qandolat mahsuloti, lekin tarkibiga qattiq kakao qoʻshilmaydi. Shokolad och fil suyagi rangiga ega va boshqa shokoladlarda mavjud boʻlgan koʻplab birikmalarga ega emas. Xona harorati 25 °C (77 °F) boʻlganda eriy boshlaydi chunki kakao moyining erish nuqtasi 35 °C (95 °F) teng.
Tarixi
Ilk oq shokolad 1937-yilda Shveysariyaning Nestlé kompaniyasi tomonidan ishlab chiqarilgan. Boshqa kompaniyalar oʻzlari uchun yangi formulalarni ishlab chiqdilar, masalan, Kuno Baedeker 1945-yilda Merckens shokolad kompaniyasi uchun yangi retsept yaratgan.
Taxminan 1948-yildan 1990-yilgacha Nestlé Amerika Qoʻshma Shtatlari va Kanada bozorlari uchun bodom boʻlaklari bilan bezatilgan oq shokoladli Alpine White shokoladini yetkazib bergan. Hershey 1990-yillarda oq Hershey's Kisses shokoladini ommaviy ishlab chiqarishni boshladi.
Tarkibi
Oq shokolad tarkibida qattiq modalari mavjud emas. Ishlab chiqarish jarayonida kakao loviyasining qattiq moddalari sutli shokolad va qora shokoladdagi kabi yogʻli tarkibidan ajratiladi, ammo shokoladning boshqa shakllaridan farqli oʻlaroq, kakao massasi qayta qoʻshilmaydi; kakao moyi oq shokolad tarkibidagi yagona kakao tarkibiy qismidir. Oq shokoladda kakao massasida mavjud boʻlgan teobromin va kofein stimulyatorlari juda oz miqdorda mavjud. Oq shokoladli qandolat mahsulotlariga vanil kabi xushboʻy moddalar qoʻshilishi mumkin. Karamelli oq shokolad "sariq shokolad" deb ataladi va boshqacha taʼmga ega.
Qoidalar
Oq shokolad sifatida sotilishi mumkin boʻlgan narsalar quyidagi tartibga mos tushishi lozim: Yevropa Ittifoqida 2000-yildan beri oq shokolad kamida 20% kakao moyi, 14% jami qattiq sut va 3,5% sut yogʻi boʻlishi kerakligi belgilab qoʻyilgan. 2021-yil may oyidan boshlab Yevropa oziq-ovqat xavfsizligi boshqarmasi oq shokolad mahsulotlarida keng tarqalgan oqartiruvchi sifatida ishlatiladigan E171 (titan dioksidi) birikmasini taqiqlashni taklif qildi.
2004-yildan boshlab Qoʻshma Shtatlarda Federal qoidalar kodeksi oq shokolad tarkibida "kamida 20 gr ogʻirlikdagi kakao yogʻi", "kamida 3,5 gr ogʻirlikdagi sut yogʻi va 14 foizdan kam boʻlmagan yogʻlar boʻlishi kerak" deb belgiladi. Qoʻshma Shtatlarda oq shokolad ishlab chiqarishda qabul qilinadigan sut mahsulotlariga quritilgan sut, yogʻsiz sut, buttermik kiradi. Oq shokolad mahsulotlarida sunʼiy rang beruvchi moddalar boʻlmasligi kerak.
Manbalar
uz.wikipedia.org