Opossumlar

Opossumlar (Didelphidae) xaltali sut emizuvchilar oilasidir. Ushbu jonivor Kanadaning janubi-sharqidan boshlab Amerika qitʼasining 52° janubiy kengliklarigacha tarqalgan boʻlib, 19 ta urugʻ va 103 yoki undan oshiq turni oʻz ichiga oladi. Ular biologik jihatdan, moslashuvchan dietasi va reproduktiv odatlari tufayli turli joylarda va sharoitlarga moslasha oladi. Opossumlar, ayniqsa, Shimoliy Amerikada possum nomi bilan tanilgan.

Opossumlar oʻrmon, choʻl, dasht, togʻlarda 4 000 m balandlikkacha uchraydi. Yerda va daraxtlarda, ayrim turlari (suv opossumi) yarim suvda hayot kechiradi. Bir yilda 1—3 marta 4—11 tadan (baʼzan 25 ta) bola tugʻadi. Ayrim turlari moʻynasi va goʻshti uchun ovlanadi.

Xususiyatlari

Tashqi jihatdan sichqon yoki kalamushlarga oʻxshaydi. Opossumlar gavdasining uzunligi 8 sm dan 50 sm gacha boʻlib, ogʻirligi 13 va 5 kg orasida. Bu jonivor jun va murakkab rangga ega. Shuningdek, uning oyoqlari qisqa va har bir oyoqda beshtadan barmogʻi mavjud. Uning dumi 4—55 sm atrofida boʻladi. Dumi tutuvchi. Orqa oyoqlarining oldingi barmogʻi yirik, boshqa barmoqlariga qarama-qarshi qoʻyilgan. Sut bezlari soʻrgʻichlari 5 tadan 27 tagachadir.

Manbalar

Havolalar

uz.wikipedia.org