Omonxona (qishloq)
Omonxona — Surxondaryo viloyatining Boysun tumaniga qarashli qishloq. Tuman markazidan 16 kilometr uzoqlikda joylashgan. Atrofi qir-adirliklar bilan oʻralgan. Tabiati soʻlim. Qishloqda ming nafardan ortiq aholi, 150 xoʻjalik istiqomat qiladi. Qishloqda shifobaxsh buloq mavjud boʻlib, sayyohlarning asosiy qismi u yerga tashrif buyurishadi. Qishloqda „O‘zbekiston temir yo‘llari“ aksiyadorlik jamiyatining 160 o‘rinli sanatoriysi mavjud. Oʻzbekiston Respublikasi Prezidenti rayisligida 2023-yil 7-iyun kuni oʻtkazilgan videoselektor yig‘ilishida Omonxona qishlogʻida yo‘l infratuzilmasi yaxshilanishi, yo‘l bo‘yida 200 dan ziyod servis obyektlari barpo etilishi va kamida ming ish o‘rni yaratilishi aytib oʻtilgan.
Manbalar
uz.wikipedia.org