Oleksandr Pishchur
Oleksandr Pishchur — Futbolchi. 1981-yil 29-yanvarda Ukrainaning Chernigov viloyatida tugʻilgan. Ilk murabbiyi Oleg Ivashenko (Chernigov shahri). Ukraina fuqarosi. Hujumchi ampluasida oʻynaydi. Boʻyi 196 santimetr. Ogʻirligi 88 kilogramm.
Toʻp surgan klublari
Faoliyati
Oleksandr Belarusning „Dnepr-Transmash“, keyinchalik Xarkovning „Metallist“ jamoasida oʻynagan. 2004-yilning yozida u Poltavaning „Vorskla-Neftegaz“ klubiga oʻtdi. Premer-ligadagi debyutini 2004-yilning 15-iyulida Kiyevning „Arsenal“ klubiga qarshi oʻyinda (3:0) oʻtkazgan. Oleksandr 2008/2009-yilgi mavsumda Lutskning „Volin“ klubi tarkibida 22ta toʻp kiritib, birinchi ligada „mavsumning eng yaxshi oʻyinchisi“ va „mavsumning eng yaxshi toʻpurari“ sovrinlari egasi boʻlgan. 2005-yil qish mavsumida u „Transcarpathia“ jamoasiga koʻchib oʻtdi. 2006-yil sentyabr oyida Volin Lutsk jamoasiga qoʻshildi. 2006-yil iyul oyida Zorya Luganskga koʻchib oʻtdi va 2007-yil yozida FC Volin Lutskka qaytib keldi. Oleksandr Mavsum boshida jamoaning asosiy oʻyinchisiga aylandi va 2008/09-yilgi mavsumda u Birinchi liganing eng yaxshi toʻpurari boʻldi. Mavsum davomida 22 ta gol urdi. Shuningdek, mavsumning eng yaxshi oʻyinchisi boʻldi. FC Volin Lutsk uchun 98 ta oʻyin oʻtkazib, 44 ta gol urgan.
2009-yil sentyabrida Slovakiyaning „Ruzomberok“ jamoasiga koʻchib oʻtdi. U jamoadagi debyutini 2009-yil 26-sentyabrda Tatran klubiga qarshi oʻyinda oʻtkazdi. Pishchur 2009-yil 3-oktyabrda „Dubnitsa“ga qarshi oʻyinda (1:2) ikkita gol urdi. 2010-yilgi mavsum oxirida u Slovakiyadan Volinga qaytdi va 6 uchrashuvda 5 ta gol urdi.
2011-yilning 18-yanvarida Aleksandr jamoadoshi Vyacheslav Sharpar bilan birga BAAga yigʻin oʻtkazish uchun Xarkovning Metalist jamoasiga yoʻl oldi. 2011-yilning avgustida u „Tavriya“ jamoasi bilan yil oxirigacha shartnoma imzoladi. Shartnoma muddatidan oldin, noyabr oyida „tomonlarning oʻzaro kelishuvi bilan“ bekor qilingan. 2012-yilda u „Obolon Kiyev“ jamosi bilan Ukraina Birinchi ligasida oʻynagan.
2013-yildan boshlab „Bunyodkor“ (Toshkent) jamoasi sharafini himoya qilib kelmoqda. 2013-yilgi Osiyo Chempionlar ligasi bahslarida Bunyodkorning guruhda 1-oʻrinni olib keyinggi bosqichga chiqishida katta hissa qoʻshdi.
Pischur 2015-yilgi mavsumni Qozogʻistonning „Taraz“ klubida oʻtkazgan. 2016-yilning yanvar oyida u Oʻzbekistonning „Navbahor“ jamoasiga oʻtdi. 2016-yil iyul oyida Tarazga qaytdi.
2017-yilning yanvar oyida u Desna Chernihiv jamoasining mashgʻulot yigʻinida ishtirok etdi. Ammo 2017-yilning fevral oyida Oʻzbekistonning „Shoʻrtan“ klubiga oʻtdi.
Murabbiylik faoliyati
2019-yilda Pischur Chernigovning „Desna-2“ jamoasiga murabbiy etib tayinlangan.
Oilasi
Ayolining ismi Viktoriya. 17 yoshli Alina, bir yoshli Sasha va 5 yoshli Anastasiya ismli farzandlari bor.
Statistikasi
Klub
Manbalar
Havolalar
uz.wikipedia.org