Oleg Mednix

Oleg Nikolaevich Mednyx (1966-yil 17-mart) — sovet va oʻzbek futbolchisi, hujumchisi va yarim himoyachisi.

Biografiyasi

Oleg 1982-yili “Shahrixonchi” (Shahrixon) klubi tarkibida kattalar oʻrtasidagi musobaqalarda debyut qilib, jamoa bilan ikki mavsum ikkinchi ligada oʻynagan. 1983-yili Toshkentning “Paxtakor” jamoasida ham bitta oʻyin oʻtkazgan. Keyinchalik ikkinchi ligada “Neftchi” (Fargʻona) va “Zarafshon” (Navoiy) klublarida toʻp surgan. 1989-yilda tanaffusdan soʻng yana kattalar musobaqasiga qaytib bir yarim mavsumni Fargʻonaning “Neftchi” jamoasida oʻtkazgan.

1990-yillar boshida SSSR ikkinchi quyi ligasining “Drujba” (Budyonnovsk), Rossiya birinchi ligasining “Atommash” (Volgodonsk) jamoalarida oʻynagan.

Markaziy Osiyoga qaytganidan soʻng Qirgʻiziston oliy ligasida “Oq-Maral” (Toʻqmoq), Oʻzbekiston oliy ligasida “Atlaschi” (Margʻilon) safida toʻp surgan. 1997-yilda “Temiryoʻlchi” tarkibida Oʻzbekiston birinchi ligasi gʻolibiga aylangan boʻlsa, keyingi yili ushbu klub safida oliy ligada bitta oʻyin oʻtkazgan.

Shaxsiy hayoti

Otasi Nikolay Vasilyevich (1938-1989) ham futbolchi boʻlgan, “Neftchi” (Fargʻona) va boshqa bir qator klublarda oʻynagan. Keyinchalik murabbiylik faoliyati bilan shugʻullangan.

Manbalar

Havolalar

uz.wikipedia.org