Ola Kamara
Ola Williams Kamara (talaffuzi: Ola Uilyams Kamara; 1989-yil 15-oktabrda Norvegiyaning Oslo shahrida tugʻilgan) — asli Serra-Leonelik boʻlgan norvegiya futbolchisi, „DC United“ futbol klubi va Norvegiya terma jamoasi hujumchisi.
Ola Syerra Leonelik oilada tugʻilgan. U tugʻilishidan oldin uning oilasi Osloga koʻchib oʻtgan.
Klublardagi faoliyati
Kamara „Stabæk“ futbol klubi tarbiyalanuvchisi. 2006-yil 1-oktabrda „Lillestrøm“ futbol klubiga qarshi oʻyinda Somen Tchoyining oʻrniga maydonga tushgan va 16 yoshida Tippe ligasida debyut qilgan. 2007-yilda Ola ikkinchi divizion klubi „Hønefoss“ jamoasida ijara asosida oʻynagan. „Stabæk“ futbol klubiga qaytgach, u mamlakat chempioni boʻlgan. 2009-yilda Kamara „Strømsgodset Toppfotball“ futbol klubiga koʻchib oʻtgan. Shartnoma ikki yilga imzolangan. 3-may kuni „Sandefjord“ futbol klubiga qarshi oʻyinda Ola yangi jamoada debyut qilgan. 21-iyun kuni „Tromsø“ futbol klubiga qarshi kechgan bahsda u „Stromsgodset“ futbol klubi safidagi birinchi golini urgan. 2010-yilda Ola klub bilan Norvegiya kubogini qoʻlga kiritgan.
2013-yilda Kamara Avstriyaning „Ried“ jamoasiga koʻchib oʻtgan, ammo darhol Germaniyaning „TSV 1860 Munich“ jamoasiga ijaraga berilgan. 4-fevral kuni „Kaiserslautern“ futbol klubiga qarshi oʻyinda u Ikkinchi Bundesligada debyut qilgan.
Oʻsha yilning yozida Ola „Stromsgodset“ futbol klubiga qaytgan va 14 uchrashuvda 12 ta gol urib, jamoaning Norvegiya chempioni boʻlishiga yordam bergan. 2014-yilda Kamara Avstriyaga koʻchib oʻtgan . 9-fevral kuni „Rapid Wien“ futbol klubiga qarshi oʻyinda u Avstriya Bundesligasida debyut qilgan. 4-may kuni „Gröding“ futbol klubiga qarshi kechgan bahsda Kamara poytaxt jamoasi safidagi ilk golini urgan. Yil davomida u atigi ikkita gol urgan va 2015-yilda „Molde“ futbol klubiga ijaraga berilgan. 7-aprel kuni „Odda“ futbol klubiga qarshi oʻyinda Kamara yangi jamoasida debyut qilgan. 11-aprel kuni „Bodø/Glimt“ futbol klubiga qarshi kechgan bahsda Ola „Molde“ futbol klubi tarkibidagi birinchi gollarini urib, „dubl“ni amalga oshirgan. 3-iyul kuni „Sarpsborg 08“ futbol klubiga qarshi oʻyinda u xet-trik qayd etgan.
Xalqaro faoliyati
2013-yilning 11-oktabr kuni JCh-2014 saralash bosqichida Sloveniyaga qarshi o‘yinda Kamara Norvegiya terma jamoasida Daniel Broten o‘rniga maydonga tushgan. 2014-yilning 15-yanvarida Moldova bilan o‘rtoqlik o‘yinida Ola terma jamoa safidagi ilk golini urgan. 2017-yil noyabr oyida Kamara uch yillik tanaffusdan soʻng Norvegiya terma jamoasiga qaytib, Makedoniya va Slovakiya terma jamoalari bilan oʻrtoqlik oʻyinlarida qatnashgan. 2018-yilning 23-mart kuni Avstraliya terma jamoasiga qarshi kechgan bahsda u xet-trik qayd etgan.
Jamoalari
Manbalar
uz.wikipedia.org