Okan Buruk
Okan Buruk (1973-yil 19-oktyabrda tugʻilgan) — turkiyalik professional futbol murabbiyi va sobiq futbolchi . Hozirda u Superliganing „Galatasaroy“ klubi bosh murabbiyi. Sobiq yarim himoyachi sifatida „Galatasaroy“, "Inter", „Beshiktosh“ va „Istanbul BB“ klublarida oʻynagan. U Turkiya terma jamoasi safida 56 marta maydonga tushgan.
Jamoalardagi faoliyati
Okan Buruk 1991—2001-yillarda Turkiyaning „Galatasaroy“ klubida toʻp surgan, olti marta Turkiya Superligasi va 1999—2000-yillarda UEFA kubogini qoʻlga kiritgan. U shuningdek, 2000-yilgi UEFA Superkubogini qoʻlga kiritish uchun "Real Madrid"ni 2:1 hisobida magʻlub etgan Galatasaroyning oʻyinning eng yaxshi oʻyinchisi deb topilgan.
Inter Milan
2001-yilda u va jamoadoshi Emre Italiya A Seriyasining „Inter“ klubi bilan shartnoma imzolagan va u yerda uch yil oʻynagan. 2001-yil 26-avgustda Okan „Perudja“ga qarshi oʻyinda debyutini Seedorfning oʻrniga maydonga tushib oʻtkazgan. U „Inter“ safida Chempionlar ligasidagi ilk oʻyinini 2002-yil 25-sentyabrda „Ayaks“ga qarshi uy oʻyinida oʻtkazgan.
2001-yil 21-oktabrda Terim boshchiligidagi „Milan“ga qarshi derbida Okan Kallonga golli uzatmani amalga oshirgan.
Okan oʻzining birinchi golini 89-daqiqada urgan va jamoasiga 2002-yil 16-noyabrda " Roma "ga qarshi safar oʻyinida 2:2 hisobida durang oʻynashga yordam bergan. Okan toʻxtovsiz yuguruvchi futbolchi boʻlgan.
Beshiktosh
U „Beshiktosh“ safida ikki mavsum oʻynagan va 2006-yilda Turkiya kubogini qoʻlga kiritgan.
Galatasaroyga qaytish
2006-yilning iyul oyida Okan ikki yillik shartnoma imzolab, sobiq jamoasi Galatasaroyga qaytgan. 2007-08-yilgi mavsumda Superliga gʻolibi boʻlganidan soʻng uning shartnomasi uzaytirilmagan va Okan klubni tark etgan.
İstanbul Başakşehir
"Galatasaroy" bilan shartnomasi tugagach, Okan 2008-yilning iyul oyida Istanbul BB jamoasiga kelib qoʻshilgan va ikki yildan soʻng faoliyatini yakunlagan.
Xalqaro faoliyat
Okan Turkiya terma jamoasi safida 56 oʻyinda maydonga tushib, UEFA Yero 2000 va 2002 FIFA Jahon chempionatida mamlakatni himoya qilgan. U Arnhemda Italiyaga 2:1 hisobida magʻlub boʻlganida Turkiyaning yevrodagi ilk golini kiritgan. Okan 2002-yilgi FIFA Jahon chempionatida ham ishtirok etgan, ammo jarohati tufayli u uchinchi oʻrin uchun pley-offda mezbon Janubiy Koreyaga qarshi 3:2 hisobida gʻalaba qozonilgan oʻyinda zaxiradan maydonga tushgan.
Murabbiylik faoliyati
Futbolchilik faoliyatidan soʻng Okan professional murabbiyga aylangan. 2018-yilning 10-mayida u „Akhisarspor“ klubini oʻz tarixidagi ikkinchi sovrini 2017-18-yilgi Turkiya kubogigacha olib kelgan.
„Akhisarspor“dan keyin u 2018-yildan 2019-yilgacha „Chaykur Rizespor“ni boshqargan, 2019-yil 11-iyun kuni İstanbul Başakşehirning yangi bosh murabbiyi boʻlgan. Oʻzining birinchi mavsumida Buruk klubni birinchi liga chempionligiga olib kelgan.
2021-yil boshida u Superliganing 2020-21-yilgi mavsumida uning boshqaruvidagi klub tomonidan bir qator yomon natijalarga erishganidan soʻng, „oʻzaro kelishuv“ asosida İstanbul Başakşehirni tark etgan.
Galatasaroy
2022-yil 23-iyunda Okan sobiq jamoasi Galatasaroyga murabbiy etib tayinlangan.
Shaxsiy hayoti
U asli Trabzonlik. 2007-yil 3-iyulda model va sobiq Turkiya goʻzali gʻolibi Nihan Akkush bilan oila qurgan. Uning akasi Fuat ham professional futbolchi va hozirda murabbiylik faoliyati bilan shugʻullanadi.
Faoliyat statistikasi
Klub
Xalqaro
Yutuqlar
Futbolchilik
Galatasaroy Beshiktosh Turkiya Murabbiylik
Akhisarspor İstanbul Başakşehir Manbalar
uz.wikipedia.org