Oʻgʻit
Oʻgʻit — tarkibida oʻsimliklar uchun zarur oziq elementlar boʻlgan yoki tuproqdagi oziq moddalarni harakatga keltiradigan organik yoki anorganik moddalar. Oʻ. deganda oʻsimlikning oziq elementlari bilan birga, tuproqqa solinganda oziq elementlarini ishga solishga yordam beradigan bakterial preparatlar, tuproq strukturasi, kimyoviy va biologik xususiyatlarini yaxshilaydigan pqeparatlar ham tushuniladi. Odam U.larni qoʻllab oʻsimliklar uchun ijobiy oziqlanish balansi yaratadi, tuproqdagi moddalar aylanishiga faol aralashadi. Kimyoviy tarkibiga qarab Oʻ. organik, mineral va bakterial boʻlishi mumkin. Organik Oʻ.ga goʻng, torf, sharbat, har xil kompostshr, qishloq xoʻjaligi ishlab chiqarishi, sanoat va shahar xoʻjaligi chiqindilari hamda koʻkat oʻgʻitlar kiradi. Organik Oʻ. tarkibida oʻsimliklarning oziq mineral elementlari (azot, fosfor, kaliy, mikroelementlar va boshqalar) hamda organik moddalar boʻladi. Mineral Oʻ.ga azotli oʻgʻitlar, fosforli oʻgʻitlar, kaliyli oʻgʻitlar, kompleks oʻgʻitlar, ohakli Oʻ., mikrooʻgʻitlar va boshqalar; bakterial Oʻ.ga nitragin, azotobakterin, fosforbakterin va boshqalar taalluqli. Bevosita xoʻjaliklarda olinadigan Oʻ. mahalliy, kimyoviy korxonalarda ishlab chiqariladigan Oʻ. — sanoat oʻgʻitlari deb ataladi. Oʻ. tuproqqa solinadi, oʻsimlikka purkaladi (bargidan oziqlantirish) yoki urugʻlikka ishlov berishda qoʻllaniladi. Oʻ.ni koʻp martalab katta ulushlarda solish va tuproqni madaniylashtirishning boshqa usullari (ishlov berish, almashlab ekish va boshqalar) tuproq hosil boʻlishi jarayonining yoʻnalishini oʻzgartirishi; yangi tuproq tipchalari — yuqori hosildorligi bilan ajralib turadigan madaniylashgan (har xil darajadagi) antropogen tuproqlar hosil boʻlishiga olib kelishi mumkin. Oʻ. toʻgʻri solinganda oʻsimliklar oʻsishiga, rivojlanishiga ijobiy taʼsir qiladi, hosilni oshiradi va mahsulot sifatini yaxshilaydi. Oʻ.ning samaradorligi qishloq xoʻjaligi ekinlarining biologik xususiyati, tuprokdagi oziq elementlar miqdori va boshqalarga bogʻliq. Oʻ. Oʻrta Osiyo sugʻorma dehqonchiligi sharoitida qishloq xoʻjaligi ekinlari hosilini oshirishning asosiy vositasidir. Oʻ.ni ilmiy asoslangan meʼyorlarda ishlatish uning atrof muhitga salbiy taʼsirini bartaraf etishga yordam beradi.
Sobirjon Azimboyev.
uz.wikipedia.org
Sun'iy intellekt javobi:
Oʻgʻit — bu qishloq xo‘jaligida ekinlarni oziqlantirish va tuproq unumdorligini oshirish maqsadida ishlatiladigan modda. Oʻgʻit tuproqdagi minerallar, ozuqa moddalarini toʻldiradi va oʻsimliklarning yaxshi oʻsishini taʼminlaydi. Oʻgʻitlar tabiiy va sunʼiy (kimyoviy) boʻlishi mumkin.
Tabiiy oʻgʻitlar: Bu oʻgʻitlar hayvonlarning isteʼmol qilingan qoldiqlari, yaʼni chorva mollarining goʻngi, qush goʻngi, hayvonlarning qoldiqlari (ko‘mir, suyak kukuni), shuningdek, organik qoldiqlar (xo‘jalik chiqindilari, o‘simlik qoldiqlari) hisoblanadi. Tabiiy oʻgʻitlar tuproq tarkibiga foydali mikroorganizmlarni kiritadi va uning biologik faoliyatini yaxshilaydi.
Sunʼiy (kimyoviy) oʻgʻitlar: Ushbu oʻgʻitlar laboratoriya yoki sanoatda ishlab chiqarilgan, tarkibida azot (N), fosfor (P), kaliy (K) va boshqa minerallar mavjud boʻlgan moddalardir. Misol uchun, ammiakli nitrat, superfosfat, kaliy sulfat va boshqalar. Kimyoviy oʻgʻitlar tez taʼsir koʻrsatadi va ayniqsa, meva va sabzavot yetishtirishda keng qoʻllaniladi.
Oʻgʻitlarni qoʻllashda tuproq naviga, yetishtirilayotgan ekinning turi va ularning ozuqa talablariga eʼtibor berish kerak. Oʻgʻit yetarlicha berilmasa, ekinlarning oʻsishi susayadi, hosil miqdori kamayadi; ortiqcha berilsa, tuproq va ��atrof muhit ifloslanishi mumkin.
Qishloq xo‘jaligida oʻgʻitdan samarali foydalanish yer unumdorligini yuqori darajada saqlab qolishga, hosilni ko‘paytirishga va sifatni yaxshilashga xizmat qiladi.