Obbi Oulare
Mamadu Obbi Ulare (niderlandcha: Mamadou Obbi Oularé) 1996-yil 8-yanvarda Belgiyaning Varegem shahrida tugʻilgan. Gvineyalik belgiya futbolchisi, „Molenbek 47“ uchun ijara asosida „Barnsli“ klubida hujumchi sifatida oʻynaydi.
Jamoalardagi faoliyati
Ulare futbolni „Bryussel“ futbol klubi akademiyasida boshlagan. 2005-yilda u „Anderlext“ akademiyasiga koʻchib oʻtdi, ammo shundan soʻng u „Lyej Standard“, Fransiyaning „Lill“ va „Vaskeal“ yoshlar jamoalarida oʻynab, jarohatlar va moslashishdagi qiyinchiliklar tufayli tez-tez klubini oʻzgartirib turgan. 2013-yilda Obbi „Bryugge“ futbol akademiyasini tugatgan. 2014-yil 14-sentabrda „Genk“ jamoasiga qarshi o‘yinda u ikkinchi bo‘limda Nikola Stormning o‘rniga Yupil ligasida debyut qilgan. 21-sentabr kuni „Kortrijk“ga qarshi bahsda Ulare „Bryugge“ safidagi birinchi golini urgan. 2015-yil fevral oyida Yevropa ligasi doirasida Daniyaning „Olborg“ jamoasiga qarshi o‘yinda Obbi ikkita gol kiritgan. Mavsum oxirida u jamoaning ikkinchi oʻrinni egallashiga va Belgiya kubogini yutishiga yordam bergan. 5-avgust kuni Chempionlar ligasi saralash bosqichi doirasida Gretsiyaning „Panatinaikos“ klubiga qarshi kechgan bahsda Obbi gol urgan.
Sentabr oyida Ulare Angliyaning „Uotford“ jamoasiga oʻtib, besh yillik shartnoma imzolagan. Transfer summasi 6 million funtni tashkil qilgan. U Premer-ligadagi debyutini 18-fevral kuni „Swansea City“ga qarshi oʻtkazdi va ikkinchi boʻlimda Valon Behrami oʻrniga maydonga tushgan.
2016-yilning yozida Ulare „Zulte Waregem“ga ijaraga oʻtgan. 14-avgust kuni „Standart Lyej“ga qarshi oʻyinda u yangi jamoada debyut qilgan. 27-noyabr kuni „Standard“ga qarshi kechgan duelda Obbi „Zulte Waregem“ darvozasiga birinchi golini urdi. 2017-yil boshida u Erediviziyada gollandiyalik „Villem II“ uchun olti oylik ijara asosida oʻynadi. Oʻsha yilning yozida Ulare ijara asosida „Antverpen“ga oʻtdi. 28-iyul kuni „Anderlext“ga qarshi oʻyinda u yangi jamoada debyut qilgan. 15-oktabr kuni sobiq jamoasi „Zulte Varegem“ga qarshi kechgan duelda „Obbi Antverpen“ uchun birinchi golini urgan.
Yutuqlari
"Brugge" tarkibida Yoshlar jamoasida
Manbalar
uz.wikipedia.org