Nuriddin Xoliqnazarov
Nuriddin Xoliqnazarov (tugʻ. 1968-yil, Asaka, Andijon viloyati, Oʻzbekiston SSR) — oʻzbek din arbobi va ilohiyotshunosi, muftiy, 2021-yil 19-oktyabrdan Oʻzbekiston musulmonlari idorasi raisi.
Biografiya
Nuriddin Xoliqnazarov 1968-yilda Asaka shahrida tugʻilgan. 1992-yilda Miri Arab madrasasini, 1998-yilda Imom Buxoriy nomidagi Toshkent islom institutini, 2007-yilda Fargʻona davlat universitetini tugatgan.
Faoliyati davomida Asaka shahridagi Ahmadali Maxdum masjidi imom-xatibi, Toshkentdagi Oq tepa masjidi imom-xatibi lavozimlarida ishlagan. Nuriddin Xoliqnazarov, shuningdek, Kukeldash madrasasida, Andijon viloyatida Sayid Muhyiddin Maxdumda oʻqituvchi, Andijon viloyati bosh imom-xatibi boʻlib ishlagan.
2019-yil avgust oyida Nuriddin Xoliqnazarov Toshkentning bosh imom-xatibi etib tayinlandi. 2021-yil 19-oktyabrda Oʻzbekiston musulmonlari idorasi ulamolar kengashining kengaytirilgan yigʻilishida Oʻzbekiston bosh muftiysi va Oʻzbekiston musulmonlari idorasi raisi etib saylandi.
Manbalar
uz.wikipedia.org