Nur Uddin Gohorpuri

Nur Uddin Ahmad Gohorpuri (bengalcha: নূর উদ্দিন আহমদ গহরপুরী; 1924 – 2005-yil 26-aprel) Bengaliyalik diniy ulamo va o‘qituvchi. Bangladeshdagi Qavmi madrasalari bilan aloqasi, shuningdek, Gohorpur Husayniya madrasasining asoschisi sifatida mashhur edi.

Biografiyasi

Gohorpuri 1924-yilda Bangladeshning hozirgi Sylhet tumanida joylashgan Gohorpur qishlog'ida aristokrat oilasida tug'ilgan. Otasining ismi Mavlono Zuhur Uddin Ahmad, onasiniki esa Suratunnaso. Sultonpurdagi mahalliy maktabda tahsil olgan. Otasining vafotidan so‘ng Gohorpuriy diniy arbob Bashir Uddin Shayx-i Bag‘aga shogirdlikka berilgan. Taʼlimni Jalolpurdagi Purbabhag madrasasida davom ettirdi. Bag'a Alia madrasasida ham uch yil o'qidi. Bashir Uddin Dorul ulum Deobandga oʻqishga kirishga yordam berdi. Gohorpuriy u yerda Bashir Uddinning ustozi Husayn Ahmad Madaniydan hadis ilmini oʻrgandi. 1950-yilda o'qishni tamomlagan Gohorpuri Madaniyning shogirdlaridan biriga aylandi.

1952-yilda Izaz Ali Amrohi va Madaniyning ko‘rsatmasiga ko‘ra, Barisaldagi Pangasia Alia madrasasida hadis ilmi boʻyicha muhaddis bo‘lib ishga kirib, u yerda ikki yil ishladi. Shundan keyin Mymensinghdagi Balia Ashraful ulum madrasasida xuddi shu vazifani bajarishga kirishdi. 1956-yilda o‘z qishlog‘iga qaytib, Gohorpur Husayniya madrasasiga asos solib, umrining oxirigacha u yerda muhaddis va muhtamim (boshqaruvchi) bo‘lib ishladi. Muassasa keyinchalik Bangladeshdagi eng mashhur islom ta'lim muassasalaridan biriga aylandi.

1960-yillarda Gohorpuri Jamiat Ulema-e-Islom siyosiy partiyasiga aʼzologiga kirdi. 1970-yilda Pokistondagi umumiy saylovlarda Milliy Assambleyaga nomzodini qoʻyib, muvaffaqiyatsizlikka uchradi. 1996-yilda Bangladesh Befaqul Madarisil Arabia raisi etib saylangan. 50 dan ortiq Qavmi madrasalari bilan aloqada boʻlgan, shuningdek, ulardan 13 tasining asoschisi va homiysi boʻlgan.

Vafoti va merosi

Gohorpuri 2005-yil 26-aprelda 81 yoshida vafot etdi. Unda to'rt xotin, to'rt qiz va bir o'g'il qoldi. Oʻgʻli Muslehuddin Raju otasi o'rniga Gohorpur Husayniya madrasasi rahbari bo'ldi. Gohorpurdagi uyi oldidagi dafn marosimida bir necha ming shogirdlari ishtirok etishdi.

Manbalar

uz.wikipedia.org