Nur Husayn Kasemiy
Nur Hossain Kasemi (bengalcha: নূর হুসাইন কাসেমী ; 1945-yil 10-yanvar — 2020-yil 13-dekabr) Bangladeshlik Devbandiy islom olimi, siyosatchi, oʻqituvchi, diniy maʼruzachi va maʼnaviyat arbobi. Hefazat-e-Islam Bangladesh va Jamiat Ulema-e-Islam Bangladesh Bosh kotibi, Al-Haiatul Ulya Lil-Jamiatil Qavmia Bangladesh vitse-prezidenti, Befaqul Madarisil Arabia Bangladesh katta vitse-prezidenti, Jamiya Madaniya Baridxara, Dakka va Jamiya Sobhaniya Mahmud Nagarning Shayxul hadisi va rektori boʻlgan. Hefazat harakati, Xatam an-Nabiyyin harakati va boshqalarda yetakchi rol o‘ynagan. Musulmon ommasi orasida islom yetakchisi sifatida tanilgan edi. Shuningdek, 45 ga yaqin islomiy seminariyalarni boshqarishda ishtirok etgan.
Ism va nasl
Kasemi 1945-yil 10-yanvarda Tipperah tumani (hozirgi Komilla tumani, Bangladesh)ga qarashli Manoharganjdagi Chodda qishlog‘ida bengal musulmon oilasida tug‘ilgan.
Taʼlim
Taʼlimni uyi yonidagi boshlangʻich maktabdan boshlagan. 4-sinfdan keyin Koshipur Kosemul ulum madrasasiga oʻqishga kirgan va oʻrta sinfgacha oʻqigan. Keyin Baruradagi Al Jamiyatul Islomiya Dorul ulum madrasasiga oʻqishga qabul qilindi. Bu yerda Jamoat-i Hidayya (2-bosqich)gacha tahsil oldi.
Keyin Hindistonga Dorul Ulum Deobandda oʻqish uchun bordi. Belgilangan vaqtga yetib kela olmagani uchun Saharanpur tumanidagi Beritazpur madrasasiga qabul qilindi. Jamoat-e Jaloline (Faxriylar)ni tamomlagach, Dorul ulum Deobandga bordi. Deobandda jami 3 yil oʻqigan. Bu yerda Hadis boʻyicha magistraturani tamomlagandan soʻng arab adabiyoti va falsafasini oʻrgangan.
Ustozlar
Ustozlari orasida Mahmud Hasan Gangohiy, Anzarshoh Kashmiriy, Sayid Faxruddin Ahmad, Muhammad Salim Qosmiy va boshqa taniqli shaxslar bor.
Karyerasi
Kasbiy faoliyati Hindistonning Muzaffarnagar tumanida joylashgan Muhammad Qosim Nanautavi tomonidan tashkil etilgan Muradiya madrasasida dars berishdan boshlangan. Bu yerda bir yil muallimlik qilib, 1973-yil oxirida vatanga qaytdi. Keyin Shariatpur tumanidagi Nandansar Mohius Sunna madrasasida Shayxul hadis va mudirlik lavozimlarini egalladi. 1978-yilda Dakkadagi Jamia Arabia Imdadul Ulum Faridobodga bordi. Bu yerda 4 yil oʻqituvchilik qilgach, Rezidencial Hostel direktori boʻlgan. 1982-yilda Qozi Muʼtasim Billah asos solgan Dakkadagi Jamiya Shariyyah Malibagga keldi. Bu yerda jami olti yil dars berdi. 1988-yilda Jamia Madania Baridhara, Dakkaga, 1998-yilda Jamia Sobhania Mahmud Nagarga asos solgan. Tashkil etilganidan keyin ikkala seminariyaning rektori va Shayxul Hadisi boʻldi. Shuningdek, 45 ga yaqin Islom seminariyalarini boshqarishda ishtirok etgan.
2020-yil 3-oktabrda Befaqul Madarisil Arabia Bangladesh katta vitse-prezidenti etib saylandi. Qonunga koʻra, Bangladeshning Al-Haiatul Ulya Lil-Jamiatil Qavmia vitse-prezidenti ham boʻlgan.
2020-yil 15-noyabrda Hefazat-e-Islam Bangladesh bosh kotibi etib saylandi va Hefazatning Dakka boʻlimi prezidenti boʻldi
Siyosat
1975-yilda Jamiyat Ulema-e-Islom Bangladesh bilan siyosatga kirdi. 1990-yilda Jamiyat markaziy rahbariyatiga kelib, 2015-yil 7-noyabrda jamiyatning bosh kotibi bo‘lgan.
1990-2000-yillarda Xatam an-Nabiyyin harakatida bosh kotib lavozimida ishlagan.
Oila
Ikki oʻgʻil, Jubayr Husayn va Jobir Qosimiyning otasi edi: Ikki qizi bor. Kichik oʻgʻli Jobir Qosimiy islom olimi va Maniknagar shahridagi Jamiya Mahmudiya Ishoqiya professori.
Vafoti
2020-yil 13-dekabrda Dakkadagi United Hospitalda vafot etdi.
2021-yilda Yasin Abdur Rauf Kasemiyning tarjimai holini arab tilida yozgan. 2021-yil 9-yanvarda Savar shahrida „Nur Hussain Kasemi konferensiyasi“ boʻlib oʻtdi.
Yana qarang
Manbalar
Adabiyotlar
Havolalar
uz.wikipedia.org