Nozim Huseynov
Nozim Gʻolib oʻgʻli Huseynov (ozarbayjoncha: Nazim Qalib oğlu Hüseynov; 1969-yil 2-avgust, Boku, Ozarbayjon SSR, SSSR) — sovet va ozarbayjon dzyudochisi, SSSRda xizmat koʻrsatgan sport ustasi. Ozarbayjonning birinchi Olimpiya chempioni (1992, Birlashgan jamoa tarkibida ishtirok etgan), Ozarbayjonni himoya qilgan va 1996-yilda Atlantada boʻlib oʻtgan Olimpiya oʻyinlarida Ozarbayjon terma jamoasining bayroqdori boʻlgan. Ozarbayjon Respublikasi Milliy olimpiya qoʻmitasi aʼzosi. MedalBronze MedalSilver MedalGold
Tarjimai holi
Nozim Huseynov 1969-yil 2-avgustda Boku shahrida dunyoga keladi. Asli u Ozarbayjonning Gusar viloyati, Piral qishlogʻidan boʻladi. Onasi Dogʻistonning Axta qishlogʻidan. Huseynovning murabbiyi Ozarbayjonda xizmat koʻrsatgan murabbiy Ogʻayor Oxunzoda edi. Uning qoʻl ostida Huseynov 1980-yilda dzyudo bilan shugʻullana boshlaydi.
Barcha vazn toifalari oʻrtasida yilning eng yaxshi dzyudochisi (1992), dzyudo boʻyicha yoshlar oʻrtasida 2 karra SSSR chempioni (1987, 1989), SSSR sport ustasi (1987), xalqaro toifadagi sport ustasi (1991), faxriy SSSR sport ustasi (1992).
1992-yilda Barselonadagi Olimpiya oʻyinlarining ochilish marosimida Birlashgan jamoa tarkibida u Ozarbayjon bayroqdori boʻlgan. U ushbu oʻyinlarda finalda janubiy koreyalik dzyudochi Yun Xyonni, yarim finalda esa amaldagi jahon chempioni yaponiyalik Tadanori Kosino ustidan gʻalaba qozonib, Olimpiada chempioni boʻldi. Huseynovning gʻalabasi sharafiga Olimpiya oʻyinlari tarixida ilk bor Ozarbayjon bayrogʻi koʻtarildi. Huseynov oʻzining asosiy erishgan yutuqlarida MDH terma jamoasi bosh murabbiyi Vladimir Kaplin va Ozarbayjon dzyudo asoschisi Tarlan Hasanovlarning mehnati deb biladi.
1996-yilda Atlantadagi navbatdagi Olimpiadada u allaqachon Ozarbayjon jamoasi aʼzosi edi. Shuningdek, u ochilish marosimida bayroqdor boʻlgan. Biroq Huseynov 1/8 finalda meksikalik dzyudochiga yengilib, turnirdan chiqib ketadi. Huseynov oʻzining omadsizligiga sabab puxta tayyorgarlik koʻrmaganligida deb biladi. Uning soʻzlariga koʻra, oʻsha paytda terma jamoa dzyudochilari "muntazam ravishda turli musobaqalarga safarbar etilgan va mashgʻulotlar mamlakat hududlarida oʻtkazilgan.
Nozim jahon chempionatining bronza medali (1991) va jahon chempionatining kumush medali sovrindori (1993), 2 karra Yevropa chempioni (1992, 1993), dunyo boʻyicha (1997) eng kuchli dzyudochilar ishtirokidagi „A“ toifasidagi xalqaro turnirning kumush medali sovrindori.).
Ozarbayjon Respublikasi Prezidentining farmoni bilan „Shuhrat“ ordeni bilan taqdirlangan.
U sportdagi faoliyatini 2000-yilda yakunlagan. U xorijdagi murabbiylik takliflarini, xususan, Italiya terma jamoasini boshqarish taklifini ham rad etadi.
U Ozarbayjon dzyudo federatsiyasida ishlaydi, mamlakat viloyatlari boʻyicha kurator, baʼzan yoshlar terma jamoasiga murabbiylik qiladi.
Nozim Huseynovning oʻgʻli Naim Huseynov ham dzyudochi boʻldi. 2017-yil iyul oyida Berlinda oʻtkazilgan dzyudo boʻyicha yoshlar oʻrtasidagi Yevropa kubogining bronza medali sovrindori boʻldi.
Ayni kunda Huseynov Ozarbayjon dzyudo federasiyasida faoliyat olib boradi, mamlakat mintaqalari boʻyicha kurator, vaqti-vaqti bilan yoshlar terma jamoasida murabbiylik qiladi.
Manbalar
Havolalar
uz.wikipedia.org