Notion
Notion — oʻqish va ish uchun foydali dasturlardan biri. Notionda qaydlar yozing, rejalar tuzing va shaxsiy hayotingizni tartibga soling. Xujjatlar, maʼlumotlar va topshiriqlar bilan ishlaydi. Loyihalarni boshqarish va eslatma yoki qaydlar olish uchun barcha imkoniyatlarni bir joyga jamlagan ish maydoni. Notion kompaniya xodimlari yoki oddiy foydalanuvchilar uchun mahsuldorlik, samaradorlikni oshirish, maqsadlar va topshiriqlarni muvofiqlashtirishga yordam berish uchun moʻljallangan dastur.
Tarixi
Notion Labs Inc San Franciscoda joylashgan startap boʻlib,2013-yilda Ivan Zhao tomonidan yaratilgan. Oʻsha paytda taʼsischilar har qanday venchur kapitalistlari bilan uchrashishdan bosh tortdilar.
2018-yil mart oyida Notion 2.0 chiqarildi. U Product Hunt tomonidan ijobiy qabul qilindi va oyning eng yaxshi dasturi deb topildi. Oʻsha paytda kompaniyada 10 dan kam ishchi bor edi.
2018-yil iyun oyida rasmiy Android ilovasi chiqdi.
2019-yil sentabr oyida kompaniya 1 million foydalanuvchiga yetganini eʼlon qildi va 7 oydan kamroq vaqt oʻtgach, 2020-yil aprel oyida Notion ikki milliard dollarga baholandi.
Notion 2020-yil yanvar oyida Index Ventures va boshqa investorlardan 50 million dollar sarmoya oldi. 2021-yil 7-sentabrda Notion Haydarobodda joylashgan Automate.io startapini sotib oldi. Oʻsha yilning oktabr oyida Coatue Management va Sequoia Capital boshchiligidagi moliyalashtirishning yangi bosqichi Notion kompaniyasiga 275 million dollar yigʻishga yordam berdi. Sarmoya Notionni 10 milliard dollarga baholadi va kompaniyaning jami 20 million foydalanuvchisi bor edi.
2022-yilda Notion foydalanuvchilarga oʻz tajribalarini kengaytirish imkonini beruvchi rasmiy akkreditatsiya boʻlgan Notion Certified dasturini ishga tushirdi. Notion, shuningdek, xavfsizlik maʼlumotlarini oʻz mijozlari bilan faol ravishda baham koʻrishga vaʼda bergan texnologiya kompaniyalari koalitsiyasi — Security First Initiativega qoʻshildi.
Dastur
Notion foydalanuvchilarga ish, oʻqish va shaxsiy hayotni boshqarish uchun deyarli barcha imkoniyatlar mavjud eslatma olish, fakt va maʼlumotlarni yozish shuningdek loyiha va vazifalarni tartiblash, fayllarni boshqarish, hujjatlarni saqlash, eslatmalarni oʻrnatish, kun tartibini saqlash va oʻz ishlarini tashkil etishga yordam beradi. Dasturda roʻyhatdan oʻtgandan keyin ish maydoniga ilovadan yoki veb brauzerdan kirish mumkin.
Narx
Dastur toʻrt xil obuna turi bor:
Cheksiz sahifalar va bloklar, 5 mehmonlar bilan baham koʻrish, qurilmalar boʻylab sinxronlash, API
Cheksiz fayl yuklashlar, cheksiz mehmonlar, 30 kunlik tarix
Cheksiz jamoasi aʼzolari, hamkorlikdagi ish maydoni, almashish huquqlari, admin vositalari
SAML SSU, foydalanuvchi bilan taʼminlash (SCIM), Audit log, murakkab xavfsizlik va boshqaruv elementlari, cheksiz tarix.
Manbalar
uz.wikipedia.org