Nodira Jonibekova

Nodira Abdusalomovna Jonibekova (1973-yil 18-iyun, Toshkent, Oʻzbekiston SSR) — oʻzbek siyosatchisi, Oʻzbekiston Respublikasi Oliy Majlisi IV chaqiriq Qonunchilik palatasi deputati. "Adolat" sotsial-demokratik partiyasi aʼzosi.

Tarjimai holi

1995-yil Guliston davlat universitetining tarix, ijtimoiy fanlar va huquq fakultetini tamomlagan. Ekologiya, xususan, suv resurslaridan foydalanishda transchegaraviy hamkorlik va yoshlarda ekologik madaniyatni shakllantirishga oid ilmiy jurnallarda 20 dan ortiq ilmiy nashrlari mavjud.

2019-yilda Oʻzbekiston Respublikasi Oliy Majlisi IV-chaqiriq Qonunchilik palatasi deputati etib saylangan, shuningdek, Oʻzbekiston Respublikasi Oliy Majlisi Qonunchilik palatasining Mudofaa va xavfsizlik masalalari qoʻmitasi aʼzosi lavozimiga tayinlangan. „Doʻstlik“ ordeni bilan taqdirlangan.

Manbalar

uz.wikipedia.org