Niki Karimi
Niki Karimi (1971-yil 10-noyabrda tugʻilgan) — eronlik aktrisa, rejissyor, ssenariynavis va prodyuser.
Yoshligi
Niki Karimi 1971-yil 10-noyabrda Eronning Tehron shahrida tugʻilgan. Ota-onasi ikkalasi ham Tafreshdan. U boshlangʻich maktabdan boshlab, kino va adabiyotga juda qiziqgan.
Faoliyati
1990-yilda u Behruz Afxamiyning mashhur The The Bride filmida yosh kelin rolini ijro etgan. Karimi aktyorlik faoliyatini 1980-yillar oxirida boshlagan. U Sara (1992) filmidagi ijrosi uchun tanqidchilarning maqtoviga sazovor boʻlgan, rol uchun u San-Sebastyan kinofestivalida eng yaxshi aktrisa mukofotiga munosib koʻrildi va taqdirlandi. Karimi „Sara“ filmi uchun milliy va xalqaro miqyosda koʻplab mukofotlarga sazovor boʻlgan, masalan, San-Sebastyan kinofestivalida eng yaxshi aktrisa uchun mukofoti. Karimi 20 dan ortiq taniqli kinofestivallarda, jumladan Karlovi Vari kinofestivalida, Edinburg xalqaro kinofestivalida, Lokarno xalqaro kinofestivalida va Saloniki xalqaro kinofestivalida va Berlin kinofestivalida, shuningdek, 60-Kann kinofestivalida hakamlar hay’ati aʼzosi boʻlgan. U To have or not to have (2001) hujjatli filmini yozgan va rejissyorlik qilgan. 2005-yilda Kann kinofestivalida One Night (2005) badiiy filmi uchun nomzod qilib koʻrsatilgan, u aktyorlik faoliyati endi uni qoniqtirmasligini va u koʻproq filmlar suratga olishni xohlashini aytgan. Karimi filmlardan tashqari bir qancha tarjimonlik ishlarini bilan ham shugʻullangan. 1999-yilda u oʻzining birinchi tarjima asari — Marlon Brandoning „Songs My Mother Taught Me“ tarjimai holini nashr etgan. Shuningdek, u pokistonlik ingliz yozuvchisi Hanif Kureishining ikkita kitobini tarjima qilgan. Uning uchinchi filmi „Final whistle“ (2011) Fransiyaning Vesul shahrida boʻlib oʻtgan Osiyo kinosi xalqaro kinofestivalida uchta mukofotga sazovor boʻlgan. U 2011-yilda „Fajr“ kinofestivalida rejissyor Mostafa Shayesteh tomonidan suratga olingan "I Am Hid Wife" (2011) filmi uchun „Eng yaxshi ayol roli“ nominatsiyasiga nomzod boʻlgan.
Filmografiyasi
Filmlari
Veb-seriallar
Televideniye
Mukofotlari
Manbalar
uz.wikipedia.org