Muxtorxon Tashxodjaev
Muxtorxon Maxsudovich Tashxodjaev (tugʻ. 1983-yil 21-sentyabr, Qoʻqon, Fargʻona viloyati) — iqtisod fanlari boʻyicha falsafa doktori (PhD), Oʻzbekiston Milliy paralimpiya qoʻmitasi raisi, Osiyo Paralimpiya qoʻmitasi vitse-prezidenti, Qoʻqon Universiteti kuzatuv kengashi raisi, Taʼlim, tadqiqot va innovatsiyalar jamoat fondi (TTIF) taʼsischisi. Oʻzbekiston Respublikasida xizmat koʻrsatgan sport ustozi. Bir qator davlat mukofotlari sovrindori.
Biografiya
1983-yil Fargʻona viloyatining Qoʻqon shahrida ziyolilar oilasida dunyoga kelgan. 2002-2009 yillarda Toshkent davlat iqtisodiyot universiteti talabasi (bakalavr va magistratura).
Mehnat faoliyatini 2004-yilda Toshkent davlat iqtisodiyot universiteti axborot texnologiyalari va masofaviy oʻquv markazi muhandisligidan boshlagan.
Muxtorxon Tashxodjaev Oʻzbekiston Milliy paralimpiya qoʻmitasi faoliyatini yangi bosqichga olib chiqdi va uning rahbarligida oʻzbekistonlik paralimpiyachilar 2020-yilgi Yozgi Paralimpiya oʻyinlarida 8 ta oltin, 5 ta kumush va 6 ta bronza, jami 19 ta medal qoʻlga kiritgan holda umumjamoa hisobida dunyo reytingida 16-oʻrindan joy oldi. Paralimpiya sport turlarini rivojlantirishdagi xizmatlari uchun Muxtorxon Tashxodjaev 2021-yilda Oʻzbekiston Respublikasi Prezidenti tomonidan Oʻzbekiston Respublikasida xizmat koʻrsatgan sport ustozi faxriy unvoni bilan taqdirlandi.
Ilmiy asarlari
M.Tashxodjayev ilmiy tadqiqot ishlari doirasida 5 ta darslik, 8 ta o‘quv-uslubiy qo‘llanma tayyorlagan, 2 ta monografiya, respublika va xorijiy mamlakatlarda chop etilayotgan jurnallarda 30 ta hamda respublika va xorijiy mamlakatlarda o‘tkazilgan konferensiyalarda 36 ta maqola va tezislari eʼlon qilingan.
M.Tashxodjayev ilmiy rahbarligida 2 nafar tadqiqotchi iqtisodiyot fanlari bo‘yicha falsafa doktori (PhD) ilmiy darajasini olgan. Shuningdek, 3 nafar talabasi Oʻzbekiston Respublikasi Prezidenti davlat stipendiyasi sovrindori, 5 nafar talabasi nomdor davlat stipendiyasi sovrindori va 6 nafar talabasi respublika fan olimpiyadasi gʻolibi boʻlgan.
2014
2015
2016
2018
2019
2020
2021
Mukofatlari
Manbalar
uz.wikipedia.org