Mujodala surasi

Mujodala surasi (arabcha: سورة المجادلة, nomining maʼnosi — Munozara[8][9]) — Qurʼonning 58-surasi. Madaniy suralardan biri, 22 oyatdan iborat. Bu sura Qurʼonning 542–545-sahifasida va 28-juzida joylashgan. 105-boʻlib nozil boʻlgan.

Asosiy mavzusi

Mujodala surasi
madinada nozil bo'lgan, 22 oyatdan iborat.
Mehribon va rahmli Allohning nomi ila boshlayman.
1. Albatta, Alloh sen bilan o'z eri haqida tortishayotgan va Allohga shikoyat qilayotgan(ayol)ning so'zini eshitdi. Ha, Alloh ikkovingizning gaplashuvingizni eshitmoqda. Albatta, Alloh eshituvchi va ko'ruvchidir.
2. Ichlaringizda o'z xotinlaridan zihor qiladiganlar (bilib qo'ysinlarki), ular alarning onalari emas. Tuqqan onalaridan o'zga hech kim ularga ona emaslar. Va, albatta, ular inkor qilingan va g'irt yolg'on so'zlarni ayturlar. Va, albatta, Alloh kechiruvchi va mag'firat qiluvchidir.
3. Xotinlardan zihor qilganlar o'z ayganlaridan qaytsalar, qo'shilmaslaridan avval bir qul ozod qilsinlar. Bu va'zlanishingiz uchundir. Alloh qilayotgan ishlaringizdan xabardordir.
4. Kim (qul) topmasa, bas qo'shilmasdan avval ikki oy ketma-ket ro'za tutsin. Kim (ro'za tutishga) qodir bo'lmasa, oltmish miskinni to'yg'azsin. Bu (hukm) Allohga va uning rasuliga iymon keltirishingiz uchundir. Va bular allohning chegaralaridir. Va kofirlarga alamli azob bor.

Manbalar

uz.wikipedia.org