Muhammad ibn Muhammad Quboiy

---

Muhammad ibn Muhammad Quboiy  — (X asr) davlat arbobi. Toʻliq ismi Muhammad ibn Muhammad ibn Muhammad Quboiy.

Hayoti va faoliyati

---

Muhammad ibn Muhammad Quboiy yirik davlat arbobi boʻlish bilan birgalikda, „Mutohhiriyinlarning eng purvikor shayxlaridan biri“, „Eng ulugʻ ulamolar yoʻlboshchisi (Hodiy)“ faxrli nomlari bilan ulugʻlangan. Qubo mintaqasi ham ilm-fan, madaniyat, diniy-irfoniy ilmlar rivojlangan joy boʻlib, koʻpgina olimlar oʻzlarining shu shaharga mansubligini, shu yerda tugʻilib, oʻsganliklari, nom qozonganliklaridan gʻurur tuyganlar. Manbalarda allomaning tugʻligan yili, joyi, vafot etgan sanasi va ustoz-shogirdlari haqida biron-bir maʼlumotlar keltirilmagan. Lekin Muhammad ibn Muhammad Quboiyga berilgan faxrli nomlarning oʻzi, u haqda anchagina maʼlumotlar berishi mumkin:

„Amirul-imom“ — imomlarning yetakchisi, yoʻlboshlovchisi, rahnamosi;

„Shamsu-l-milla va-d-din“ — musulmonlar millati, qavmi va davlatining quyoshi;

„Ash-shayxul-imomul-humam“ — baxtli, buyuk imomlar shayxi;

„Imomu-l-hodiy va-sh-shayxu-l-akbar“ — keyingilarning eng ulugʻ imomlari ulamolari yoʻlboshchisi.

Adabiyotlar

---

Yoqut Hamaviy, «Mu’jamu-l-buldon».

Manbalar

---

uz.wikipedia.org