Muhammad Dionne

Mahammed Boun Abdallah Dionne (1959-yil 22-sentyabrda tugʻilgan) – senegallik siyosatchi, 2014—2019-yillarda Senegal bosh vaziri lavozimida ishlagan. U prezident Macky Sall tomonidan tayinlangan uchinchi bosh vazir. Dionne bosh vazir etib tayinlanishidan oldin Gʻarbiy Afrika Davlatlari Markaziy bankida, Birlashgan millatlar tashkilotining sanoatni rivojlantirish tashkilotida (ONUDI) va prezident maslahatchisi boʻlib ishlagan. Maʼlumoti boʻyicha u kompyuter muhandisi.

Yoshligi

Dionne 1959-yil 22-sentyabrda Gossas shahrida tugʻilgan. Uni buvisi katta qilgan. Uning otasi politsiya komissari boʻlgan.

Siyosiy karyerasi

Dionne amaliy iqtisodga ixtisoslashgan muhandis boʻlib ishlagan. Gʻarbiy Afrika bankida va Frantsiyadagi Senegal elchixonasida Iqtisodiyot boʻlimi boshligʻi sifatida faoliyat yuritgan. U 2005-yildan 2007-yilgacha Bosh vazir Macky Sall mahkamasi direktori boʻlgan. Sall 2007–2008-yillarda Milliy Assambleya prezidenti lavozimiga oʻtganida, Dionne xuddi shu lavozimda ishlashni davom ettirgan. Bosh vazir etib tayinlanishidan oldin u 2014-yilning martidan iyuligacha mamlakatni 2035-yilgacha rivojlanayotgan iqtisodiyotga aylantirish uchun iqtisodiy va ijtimoiy rivojlanish rejasi boʻlgan Rivojlanayotgan Senegal rejasini (PSE) amalga oshirish boʻyicha vazir lavozimida ishlagan.

U 2017-yil iyul oyida boʻlib oʻtgan parlament saylovlarida prezident Sallni qoʻllab-quvvatlovchi koalitsiya Benno Bokk Yaakaarning milliy nomzodlar roʻyxatini boshqargan. Benno Bokk Yaakaarning gʻalabasidan soʻng Prezident Sall 2017-yil 6-sentyabrda Dionni qayta Bosh vazir etib tayinladi.

Manbalar

uz.wikipedia.org