Muhammad al-Ustrushaniy
Muhammad ibn Hasan ibn Muhsin al-Ustrushaniy (953-yil, Ustrushana — 1016-yil) — faqih. 953-yilda Ustrushanada tavallud topgan. U fiqh ilmidan tahsil olish maqsadida 976-yili 23 yoshida Bagʻdodga borib, u yerda shayx as-Saymariy va bosh qozi Abu Abdulloh ad-Domigʻoniylarga shogird tushgan. U tahsil olib boʻlganidan soʻng Baytul Muqaddasga borib, u yerda muqim yashab qoladi. Umrining oxirida yana Bagʻdodga qaytib kelib, 1016-yili oʻsha yerda vafot etgan. Uning oʻgʻli Iroqning Mosul shahri yuqorisida joylashgan kurdlarning Fanak nomli qalʼasida qozi boʻlgan.
Manbalar
uz.wikipedia.org