Mixaylo Yovanovich

Mixaylo Yovanovich (serb tilida: Mixalo Ĉovanović ; 1989-yil 15-fevral , Titovo Uziche) – serb futbolchisi, himoyachi ampulasida oʻynaydi. Hozirgi kunda Kuching City klubi futbolchisi.

Faoliyati

Mixaylo Yovanovich faoliyatining dastlabki yillarida Uziche shahrining bir qancha mahalliy klublarida toʻp surdi. Mixaylo Manchester United F.C. klubining futbolchisi Nemanya Vidich bilan vatandosh hisoblanadi. Serbiyada u FK Mladost Luchani va FK Sloga Pojega jamoalarida oʻynadi. Ushbu mahalliy klublar Yugoslaviyaning ikkinchi ligasida qatnashgan.

2013-yilning bahorida Mixaylo HFK Olomouc jamoasining asosiy tarkibida oʻynay boshladi. U yerda Mixal Kovář bilan birga yaxshi oʻyinlar koʻrsatdi. Mavsumdan yakunida Olomouts klubi 4-oʻrinni egalladi. Keyingi mavsumda jamoa Moraviya-Sileziya futbol ligasining quyi ligasida qatnashish uchun ariza topshirdi. Ammo Yovanovich ikkinchi liga jamoasi Karvina taklifini qabul qildi. 2013-2015-yillarda Karvina futbol klubida toʻp surdi. U yerda murabbiy Yozef Mazura boshchiligida jamoaning asosiy futbolchisiga aylandi.

2014-yil 20-sentabr, shanba kuni u oʻyindan oldingi mashgʻulot vaqtida yuzidan jarohat oldi va 2015-yilning 11-apreliga qadar ikkinchi liga oʻyinlarida oʻynamadi. U 2015-yilning mart oyida yuziga niqob taqqan holda uchinchi divizion klubi Orlovada oʻynay boshladi.

Mixaylo Yovanovich 2015-yilning kuzida Karvinaga qaytdi va mavsumni ushbu klubda yakunladi.

2016-yilning yanvar oyida u birinchi liganing Zbrojovka Brno klubiga oʻtib, ikki yarim yillik shartnoma imzoladi. 2016-yil 13-fevral, shanba kuni u Praganing „Slaviya“ maydonida Chexiyaning oliy ligasisida debyut qildi (Zbrojovka Brno 0:2 hisobida magʻlub boʻldi). Mixaylo oʻyinning 73-daqiqasida gol urdi, ammo bu golni bosh hakam Tomash Kochourek hisobga olmadi. 2017-yilning yanvarida u Zbrojovkani ijara asosida tark etdi va oldingi klubi (ikkinchi liga jamoasi) Karvinaga oqaytdi. 2017-yilning yozida u Zbrojovkaga qaytdi.

Manbalar

Havolalar

uz.wikipedia.org