Mixail Stepanov
Mixail Petrovich Stepanov (29-may 1908-yil, Samarqand – 19-yanvar 2003-yil, Sankt-Peterburg) – Sovet harbiy mexanik muhandisi, Ulugʻ Vatan urushi qatnashchisi, Lenin nomidagi Oliy dengiz muhandislik maktabi boshligʻi, vitse-admiral (1984).
Hayoti
Mixail Petrovich Stepanov 1908-yil 29-mayda Rossiya imperiyasining Samarqand shahrida (hozirgi Oʻzbekiston) tugʻilgan.
1928-yilda Oʻrta Osiyo davlat universitetining 3-kursini tugatib, T. F. E. Dzerjinskiy nomidagi Oliy dengiz maktabining mexanika boʻlimiga oʻqishga kiradi. U yerni 1932-yil sentyabrida tugatgan.
Mixail Stepanov Lenin suv osti kemasining BC-5 guruhining komandiri, 1934-yil yanvardan esa suv osti kemaning elektromexanik jangovar boʻlimi komandiri etib tayinlandi.
1935-yil apreldan 12-suv osti diviziyasida mexanigi, 1936-yil avgustdan esa 2-suv osti brigadasida flagman mexanik boʻlib xizmat qildi. 1939-yil apreldan Boltiq floti texnik boshqarmasining 2-boʻlimi boshligʻi boʻlgan.
1940-yil dekabrdan 1943-yil yanvargacha K. E. Voroshilov nomidagi Harbiy dengiz akademiyasining harbiy kemasozlik fakultetida tahsil oldi.
1943-yil yanvardan noyabrgacha Harbiy dengiz floti kemasozlik direksiyasining nazorat-qabul apparatlari boʻlimi boshligʻi lavozimida ishlagan.
1943-yil noyabr oyida u dizel boʻlimi boshligʻi, 1945-yil sentyabrda kemasozlik boʻlimi boshligʻi, 1948-yil avgustda F.E.Dzerjinskiy nomidagi VVMIU qoshidagi maktab direktorining oʻquv va ilmiy ishlar boʻyicha oʻrinbosari etib tayinlandi.
1951-yil apreldan 1952-yil iyungacha A.N.Krilov dengiz floti akademiyasi ilmiy va oʻquv ishlari boshligʻining oʻrinbosari boʻldi.
Mixail 1952-yil iyuldan oktyabrgacha dengiz flotida faoliyat yuritdi.
1952-yil oktyabr oyida u 2-VVMIU (Pushkin) rahbari etib tayinlandi. 1953-yil 3-avgustda unga kontr-admiral muhandis unvoni berildi.
1959-yil dekabrdan 1970-yil avgustgacha A.N.Krilov nomidagi VMAKV boshligʻining oʻrinbosari boʻldi.
1970-yil avgust oyida u kasallik tufayli zahiradan boʻshatilgan.
1971-yil 18-noyabrda unga vitse-admiral muhandis unvoni berildi. 1984-yil 26-apreldan esa vitse-admiral hisoblanadi.
Mixail Petrovich Stepanov 2003-yil 19-yanvarda vafot etgan. U Sankt-Peterburg yaqinida, Pushkin shahridagi Qozon qabristoniga dafn etilgan.
Mukofotlari
Manbalar
Tashqi havolalar
uz.wikipedia.org