Mirjana Marić

Mirjana Marić (serb kirillcha: Mirjana Marić ; 1970-yil 10-yanvarda Nyu-York shahrida tugʻilgan) — Amerikada tugʻilgan serbiyalik ayol shaxmatchi. U FIDE ayol grossmeyster (WGM) unvoniga ega. U Serbiya (sobiq Yugoslaviya) poytaxti Belgradda yashaydi va ikkilik Serbiya va AQSh fuqaroligiga ega.

Hayoti

Marić shaxmat bilan toʻrt yoshida oʻzidan 20 daqiqalik katta egizak singlisi Alisa Marić bilan birga tanishgan. Alisa va Mirjana zamonaviy shaxmat tarixida grossmeyster unvoniga ega yagona egizaklardir.

Yoshligida u 1984-yili Fransiyada boʻlib oʻtgan 16 yoshgacha boʻlgan oʻsmirlar oʻrtasidagi shaxmat boʻyicha jahon chempionatida 1-3-oʻrinlarni (bronza medali) egallagan va 1985-yilda Isroilda oʻtkazilgan xuddi shu musobaqada gʻolib chiqqan.

Marić shaxmat boʻyicha ikki karra Yugoslaviya chempioni boʻlgan, 1991-yilda Suzana Maksimovich bilan birinchi oʻringa davogar boʻlgan va 1993-yilda esa u vanihoyat taybreksiz gʻalaba qozongan. Marić Yugoslaviya terma jamoasi safida 1990-yilda Novi Sadda (2-jamoada), 1994-yilda Moskvada va 1996-yilda Yerevanda shaxmat olimpiadalarida qatnashgan.

FIDE uni 1988-yilda Ayollar xalqaro shaxmat ustasi (WIM), 1992-yilda esa ayol grossmeyster (WGM) unvonlari bilan taqdirlagan.

Jahon chempionati sikllariga koʻra, u 1991-yilda Subotica va 1993-yilda Jakartadagi zonalararo turnirlarda ishtirok etgan.

Shaxsiy hayoti

Marić Belgrad universitetining matematika fakultetini tamomlagan va xalqaro usta Zoran Stamenkovich bilan oila qurgan. 2000-yildan keyin Mirjana Marić vaqti-vaqti bilan, asosan jamoaviy bahslardagi oʻyinlarda oʻynadi. Uzoq tanaffusdan soʻng, u 2007-yilda Pancevodagi Serbiya ayollar chempionatida qatnashdi va 12 ishtirokchidan toʻrtinchi oʻrinni egalladi.

Mirjana Marić

Hayoti

Shaxsiy hayoti

Manbalar

Adabiyotlar

Havolalar