Mir Islom Gʻazzoliy

Mir Islom Gʻazzoliy (15-asr) – fors-tojik tilida ijod qilgan shoir. Muhammad Gʻazzoliyning avlodidan. Nomi “Majolis un-nafois”ning birinchi majlisida tilga olinadi. Alisher Navoiy uning tibbiyot va hikmatda mahoratli ekani, sultonlar majlisida ishtirok etishi, tabʼi nazmini alohida taʼkidlab, Hakim Anvariyning qasidasiga yozgan javobidan bir misra keltiradi:

Chu murodi xeshro bo mulki Ray kardam qiyos[2].
(Mazmuni: Oʻz istagimni Ray mulki bilan qiyos qildim).

Shuningdek, Navoiy Mir Islom Gʻazzoliy Boysungʻur Mirzoning oʻgʻli, 1447—1448-yillarda Hirot atrofini boshqargan Alouddavla Mirzo madhida bir qasida yozgani, qasidaning barcha bayti bir xil taʼrix (abjad hisobi bilan 849-hijriy-qamariy/1445–1446-milodiy yillar)ni bildirishini aytadi. Mir Islom Gʻazzoliy Sulton Abu Said Mirzo hukmronligi davrida vafot etgan.

Manbalar

uz.wikipedia.org