Miodrag Radulović
Miodrag Radulović (1967-yil 23-oktyabrda tugʻilgan) — chernogoriyalik professional futbol murabbiyi va Chernogoriya terma jamoasining sobiq futbolchisi.
Jamoalardagi faoliyati
Chernogoriyaning Titograd shahrida tugʻilgan. Uning futbolchilik faoliyati 1980-yilda Budućnost-Titogradda boshlangan. 1988-1989-yilgi mavsumning birinchi yarmida Yugoslaviya Ikkinchi ligasida Sutyeska Nikshich uchun oʻynagan, soʻngra qishki tanaffusda Buduchnost Titogradga koʻchib oʻtgan va ular bilan 1991-yilgacha Yugoslaviya Birinchi Ligasida oʻynagan. Keyin u Hajduk Kula, Zemun, Pierikos va Degerfors IF bilan oʻynadi.
Murabbiylik faoliyati
Dastlabki yillar
Oʻz boshqaruv faoliyatini „Zeta“ va „Borac Banya Luka“da yordamchi murabbiy sifatida boshlagan. va 2006-yilda Portugaliyaning „Boavista“ jamoasida Jelko Petrovicning yordamchisi boʻlgan.
Vladimir Petrovichga 2004-yilda Afinada boʻlib oʻtadigan Olimpiya oʻyinlariga yoʻllanmani qoʻlga kiritgan Serbiya va Chernogoriya U-21 terma jamoasida yordamch boʻldi. Keyin 2005-yildan 2006-yilgacha Serbiya va Chernogoriya U-19 termasini boshqargan. Chernogoriya milliy futbol jamoasida murabbiy boʻlgan.
2010-yilning yanvar oyidan aprel oyigacha Toshkentning „Paxtakor“ klubini boshqargan. Klub ligada ikkinchi o‘rinni egallagan va 2010-yilgi Osiyo Chempionlar ligasining 16-bosqichiga yo‘llanma olgan. 3-may kuni, „Paxtakor“ning „Al-Garafa“ga qarshi 1/8 final uchrashuviga qariyb bir hafta qolganda, oilaviy sabablar va „yaqin do‘sti tomonidan boy tarixga va katta ambitsiyalarga ega bo‘lgan Yevropa klubiga“ ishlashga taklif qilinganini aytib, isteʼfoga chiqdi. Bu klub Moskvaning Dinamo klubi edi. 2010-yilning aprelidan 2011-yilning apreligacha Moskvaning „Dinamo“ klubida yordamchi boʻlgan.
2011-yilda Radulovich Chernogoriya birinchi ligasining „Buduchnost Podgoritsa“ klubi bilan shartnoma imzoladi. 2011-2012-yilgi mavsumda ligada eng koʻp gʻalaba, rekord miqdordagi ochko va gollar bilan ligada gʻolib chiqdi.
2012-yil iyun oyida Radulovich Quvayt Premyer-ligasining „Kazma“ klubi bilan shartnoma imzoladi.
Livan
2015-yilda italiyalik murabbiy Giuseppe Giannini ketganidan keyin Livan terma jamoasiga yangi bosh murabbiy etib tayinlangan edi. Livan terma jamoasini 2018-yilgi FIFA Jahon chempionatiga yoʻllanmani qoʻlga kirita olmagan boʻlsa-da, 2019-yilgi saralash bosqichi orqali ularni birinchi marta Osiyo Kubogiga olib chiqdi. Shu tariqa, jamoaga yirik turnirga chiqishga yordam bergan birinchi chernogoriyalik bo‘ldi.
2019-yil 9-yanvar kuni Livan terma jamoasi 2019-yilgi Osiyo Kubogida Qatarga qarshi guruh bosqichidagi ilk o‘yinida 2:0 hisobida mag‘lub bo‘lgan. Oʻyindan soʻng, Radulovic Giuseppe Giannini bilan kelishmovchilikka bordi va turnirning qolgan qismida terma jamoa safidan chetlatildi. Ikkinchi oʻyinda Saudiya Arabistoniga yana bir bor xuddi shunday hisobda magʻlub boʻldi. O‘yin vaqtida norozilik bildirgani uchun, OFK tomonidan 5000 dollardan 7000 dollargacha jarimaga tortildi. Guruh bosqichining soʻnggi oʻyinida Livan Shimoliy Koreya ustidan 4:1 hisobida gʻalaba qozondi. Biroq, uch ochko yetarli bo‘lmadi, chunki Livan feyr-pley qoidasi bo‘yicha uchinchi o‘rindagi Vetnamga imkoniyatni boy berib, musobaqadan chiqib ketdi.
Radulovich, shuningdek, 23 yoshgacha boʻlgan Livan terma jamoasining 2020-yilgi Osiyo chempionati saralash bosqichida ham nazoratchi boʻlgan. 2019-yil 26-mart kuni LFA 2019-yil 1-mayda tugatiladigan shartnomani uzaytirmasliklarini va uning o‘rniga boshqa xorijlik murabbiyni tayinlashlarini maʼlum qildi.
Myanma
2019-yilning 20-aprelida Radulovich Myanma futbol federatsiyasi (MFF) tomonidan Myanma terma jamoasiga yangi bosh murabbiy etib tayinlandi. Rasmiy xabarga koʻra, MFF Radulovich va uning yordamchi murabbiyiga 2020-yilning dekabrigacha amal qiladigan shartnoma bergan. Myanma bosh murabbiyi lavozimi MFF sobiq bosh murabbiyi Antoine Hey bilan xayrlashganidan keyin toʻrt oy davomida boʻsh qolgan edi.
Biroq, 2019-yil oktyabr oyida, tayinlanganidan atigi olti oy oʻtib ishdan boʻshatildi. Radulovich qo‘l ostida Myanmaning JCh-2022 saralash bosqichidagi o‘yini debyutdagidek yaxshi bo‘lmadi. Mo‘g‘uliston va Qirg‘izistonga safarda mag‘lub bo‘ldi.
Zob-Ahan
2020-yilning 14-yanvarida Radulovich Eronning „Zob Ahan“ klubi bosh murabbiyi etib tayinlanib, bir yarim yillik shartnoma imzoladi. Livan terma jamoasini boshqargan darvozabon Mehdi Halil bilan yana uchrashdi. Radulovich COVID-19 pandemiyasidan keyin Isfahonni tark etdi. Uning oʻrnini xorvatiyalik murabbiy Luka Bonacic egalladi.
Chernogoriya
2020-yilning 28-dekabrida Radulovich JCh-2022 saralash bosqichi oldidan Chernogoriya terma jamoasi bosh murabbiyi etib tayinlandi.
Karyera statistikasi
Murabbiylik
26.09.2022 holatiga
Manbalar
uz.wikipedia.org