Milosh Krasić

Milosh Krasić (talaffuzi: Milosh Krasich) — serbiyalik futbolchi, yarim himoyachi. 2010-yilgi jahon chempionati ishtirokchisi.

Klublardagi faoliyati

Milosh Krasić faoliyatini mahalliy „Rudar“ jamoasida boshlaganidan soʻng, isteʼdodli yarim himoyachi „Vojvodina“ futbol klubi eʼtiboriga tushgan. Hamda jamoa bu futbolchi bilan professional shartnoma tuzgan.

2010-yil 19-avgustda u Turinning „Juventus“ jamoasiga koʻchib oʻtgan. Transfer summasi 15 million yevroni tashkil qilgan. Shartnoma toʻrt yilga imzolangan.

2010-yil 26-sentyabrda Milosh Krasić „Juventus“ futbol klubi safida „Caralis“ futbol klubi bilan oʻyinda xet-trik qayd etib, hisobni ochgan. Natijada uning jamoasi 4:2 hisobida gʻalaba qozongan. Muvaffaqiyatli debyutdan soʻng, „Juventus“ muxlislari Milosh Krasićga „Nedvěd“ laqabini berishgan. 2010-yil 21-oktyabrda Yevropa Ligasi guruh bosqichida „Red Bull“ futbol klubiga qarshi oʻyinda u „Juventus“ futbol klubi safida yevrokuboklardagi ilk golini urgan.

Xalqaro faoliyati

Milosh Krasić ikki marotaba Serbiya va Chernogoriya yoshlar terma jamoasi safida yoshlar oʻrtasidagi Yevropa chempionatida hamda 2004-yilgi yozgi Olimpiya oʻyinlarida muhim oʻyinchi sifatida maydonga tushgan. 2006-yilda Milosh Krasić Portugaliyada boʻlib oʻtgan yoshlar oʻrtasidagi Yevropa chempionatida Serbiya va Chernogoriya terma jamoasi tarkibida ishtirok etgan, u yerda uning jamoasi yarim finalda Ukraina terma jamoasi bilan boʻlgan penaltilar seriyasida magʻlub boʻlgan.

2008-yil 11-oktyabrda JCh-2010 saralash bosqichida Litvaga qarshi oʻyinda Milosh Krasić terma jamoadagi ilk golini urgan.

2010-yilda Milosh Krasić terma jamoaning JARda boʻlib oʻtadigan jahon chempionatiga daʼvogar sifatida tarkibga kiritilgan edi. Turnirda u Gana, Germaniya va Avstraliya jamoalariga qarshi oʻyinlarda maydonga tushgan. Nemislarga qarshi kechgan bahsda Milosh Krasić gol urgan.

Statistikasi

Manbalar

uz.wikipedia.org