Mett va Kim
Mett va Kim Nyu-Yorkning Bruklin shahridan bo'lgan amerikalik raqs-pank dueti. Guruh 2004 yilda tashkil etilgan va tarkibi hanuzagacha o'zgarmagan:
Mett Jonson (sintezator) va
Kim Shifino ( baraban ). Qo'shiqning vokal qismlarini ikkala san'atkorham ijro etgan. Bu duet o'z musiqasiga alohida yondashuv tufayli mashhur bo'ldi - DIY ("do-it-yourself"),ya'ni buni o'zing qil degan ma'noni anglatadi. Zero, guruh uchun qilingan barcha ishlar musiqachilarning bevosita ishtirokida yaratilgan .
Tarix
Matt va Kim ijtimoiy tarmoqlar va media-saytlari orqali mashhur bo'ldi: YouTube, MySpace, Facebook, Flickr va boshqalar. Tez orada ular kontsertlarda chiqishni boshladilar. Ularning ajoyib va jonli chiqishlari darhol amerika tinglovchilari tomonidan va birozdan keyin boshqa davlat fuqorolari tomonidan e'tirof etildi. O'z davrida duet to'rtta studiya albomini chiqardi, ulardan uchtasi "Fader Label" tomonidan yozilgan.
"Matt & Kim" albomi
Guruhning birinchi debyut albomi 2006 yil 26 oktyabrda "Matt & Kim" nomi bilan chiqdi. AQShda atigi 7 ming nusxa sotilgan. Hindiston musiqasining muxlislari ularning qo'shiqlarini mamnuniyat bilan qabul qilishdi. Albom chiqqandan so'ng, duet mamlakat bo'ylab ko'plab gastrol safarlarini boshladi.
"Grand" albomi
Birinchi albomining muvaffaqiyatidan so'ng, duet "Fader Label" bilan shartnoma imzoladi. 2009 yil 20 yanvarda guruhning birinchi studiyaviy albomi bo'lgan "Grand" nomli ikkinchi albomi chiqdi. Albom yozish uchun Kevin Patrik taklif qilindi.
2009 yil fevral oyida "Lessons Learned" qo'shig'i uchun video-klip chiqdi, unda guruh a'zolari Tayms maydonida yalang'och yurishdi. O'sha yilning 13 sentyabrida Mett va Kim "2009 yil MTV Video Music Awards" marosimida video-klip uchun " Breakthrough Video Award" mukofotini yutdilar
"Sidewalks" albomi
2010-yil 2-noyabrda duet Fader Label-da yozilgan “Sidewalks” nomli uchinchi albomini chiqardi. Albom Ben Allen va Mett Jonson tomonidan ishlab chiqarilgan. Oldingi ikkita albomdan farqli o'laroq, "Sidewalks" jo'shqin uslubni saqlab qolgan holda yanada ifodali xip-xop tuyg'usini tasvirlab berdi.
2011-yilda Mett va Kim, Blink-182 va My Chemical Romance bilan birgalikda "Honda Civic Tour"- konsertida kuylashdi.
"Lightning" albomi
2012-yil 22-iyun kuni Mett va Kim 2012-yil kuzida chiqishi kutilayotgan "Lightning" albomini birinchi singli bo‘lmish “Let's Go” qo'shiqining qisqa namunasi aks etgan videoni chiqardi. 25-iyun kuni duet YouTube- dagi kanalida basketbolchi Pat Rok “Let’s Go” qo‘shig‘iga basketbol bo‘yicha turli namoyishlar ijro etayotgan videoni joylashtirdi.
Media ta'siri
2009 yilda "Daylight" qo'shig'i shu qadar mashhur bo'ldiki, u tez orada Bacardi va Mars, Need for Speed: Nitro va NBA Live 10 kompyuter o'yinlarining reklama roliklari uchun saundtrek sifatida taqdim etildi. "The Sims 3: World Adventures" o'yini uchun qo'shiq "Simlish" (o'yinda ishlatiladigan til) tilida qayta yozilgan; FIFA 10 o'yini uchun esa "De La Soul" guruhi bilan birgalikda "Daylight" ning remiksi yozilgan. Shuningdek, qo'shiq "Anturaj" teleserialining 6-mavsumini epizodlarining oxirida, "Yosh bolalar" seriyalining 5-mavsumining so'nggi qismida, "Jamiyat" teleserialining 2-mavsumining bir nechta epizodlarida namoyish etilgan. "Good Ol' Fashion Nightmare" qo'shig'i esa "Jamiyat" teleserialining pilot epizodda namoyish etilgan. Chak teleserialida "AM/FM Sound" qo'shig'i eshittirildi. "Cameras" qo'shig'i Morgan Spurlokning " Sotilgan eng zo'r film" filmining treylerida namoyish etilgan.
Jamoa homiylik shartnomalarini mamnuniyat bilan qabul qiladi, chunki bu ularning musiqalarini yanada ko'proq odamlarga eshitish imkonini beradi, bu esa duet kontsertlari uchun chiptalar narxini past saqlashga yordam beradi.
2009 yil 26 avgustda Mett va Kim Amerikaning "Jimmy Kimmel Live" tok-shousida "Daylight" qo'shig'ini ijro etishdi.
Diskografiya
Studiya albomlari
Singllar
Manbalar
Havolalar
uz.wikipedia.org