Merw FK

Merw Mary jismoniy tarbiya va sport futbol klubi (turkmancha: Merw Mary Bedenterbiýe-Sport Futbol Kluby), Merv Mari nomi bilan ham tanilgan, Turkmanistonning Mari shahrida joylashgan professional futbol klubi. Merw jamoasi Turkmaniston Yokari ligasi ishtirokchisi hisoblanadi. Jamoaning uy stadioni Mari stadionidir.

Tarixiy nomlar

Tarix

1967—1969 va 1990—1991-yillarda jamoa SSSR ikkinchi ligasida ishtirok etgan. SSSR parchalanganidan keyin Merw futbol klubining birinchi katta muvaffaqiyati 1993-yilda Turkmaniston kubogi finaliga chiqqani boʻldi. Finalda Ashxobodning „Köpetdag“ jamoasiga 0:4 hisobida imkoniyatni boy berdi. Oradan bir yil oʻtib, jamoa 1994-yilgi Yokari ligasining bronza sovrindori boʻldi va 1994/1995 yilgi mavsumda Osiyo Kubogi egalari kubogining saralash bosqichida ishtirok etdi. Keyingi 10 yil davomida sezilarli yutuqlar bilan ajralib turmadi va oʻrtamiyona jamolalar qatorida boʻldi. 2004-yilda Merw FK Turkmanistonning eng kuchli futbol klublaridan biriga aylandi. Merw FK ikkinchi marta 2004 yil Yokari Ligasida bronza medalini qoʻlga kiritdi va 2005-yilda Turkmaniston kubogini qoʻlga kiritdi. Jamoaning Turkmaniston kubogi finalidagi raqibi Köpetdag Ashxobod klubi boʻldi. Final bahsida oʻyin asosiy vaqt va qoʻshimcha boʻlimlardan soʻng 1:1 hisobida yakunlandi. Penaltilar seriyasida esa Merw jamoasi 3:1 hisobida gʻalaba qozondi. 2006-yilda jamoa 2006-yilgi OFK kubogida ishtirok etib, ikkinchi marta xalqaro maydonga chiqdi. Musoboqa davomida Hindistonning Dempo SC (2:2, 1:6) va Ummonning Al-Nasr (0:2, 1:4) jamoalariga qarshi oʻyinlar oʻtkazdi va guruhda soʻnggi oʻrinni egalladi.

2007—2009-yillar oraligʻida „Merw“ klubi Turkmaniston kubogi finalida ketma-ket uch marta ishtirok etgan. Ular 2007-yilda Shagadam klubiga yutqazgan (0:1), 2008-yilda HTTU FC jamoasi ustidan gʻalaba qozongan (2:1) va 2009-yilda „Oltin Asir“ klubiga (0:3) magʻlub boʻlgan. 2008-yilda Merw FK Turkmaniston chempioni Ashxobodni magʻlub etib, Turkmaniston Superkubogini qoʻlga kiritgan. 2009 yilda Merw FK oʻz tarixida uchinchi marta 2009 yilgi Iokari Ligada bronza medalini qoʻlga kiritdi.

2012-yilda klub oʻz tarixda birinchi marta 2012-yilgi Yokari Ligasining kumush sovrindoriga aylandi.

2022-yilgi mavsumda, Magtymguly Begenjew bosh murabbiy sifatida jamoani Ýokari Ligada uchinchi oʻringa olib chiqdi va 16 yillik tanaffusdan soʻng Merw FK OFK kubogi yoʻllanmasini qoʻlga kiritdi.

Merw FK

Tarixiy nomlar

Tarix

Yutuqlar

Mahalliy

OFK musobaqalaridagi chiqishi

Murabbiylar tarixi

Manbalar

Havolalar