Maximiliano Meza

Maximiliano Eduardo Meza (talaffuzi: Maximiliano Eduardo Mesa; 1992-yil 15-yanvarda Argentinada tugʻilgan) — argentinalik futbolchi, „Monterey“ futbol klubi va Argentina terma jamoasida yarim himoyachi sifatida oʻynaydi. 2018- yilgi jahon chempionati ishtirokchisi.

Klublardagi faoliyati

Maximiliano Meza „Gimnasia“ futbol klubi bitiruvchisi. 10-dekabr kuni „Deportivo Merlo“ futbol klubiga qarshi oʻyinda u debyut qilgan. Mavsum oxirida Maximiliano Meza klubning elitaga chiqishiga yordam bergan. 2013-yil 4-avgustda „River Plate“ futbol klubiga qarshi oʻyinda Argentina premyer ligasida debyut qilgan. 8-oktyabr kuni „Vélez Sarsfield“ futbol klubiga qarshi bahsda Maximiliano Meza „Gimnasia“ futbol klubi safida birinchi golini kiritgan.

2016-yilning yozida Maximiliano Meza „Independiente“ futbol klubiga koʻchib oʻtgan. Transfer summasi 2,7 million yevroni tashkil qilgan. 25-sentyabr kuni „Tigre“ futbol klubiga qarshi oʻyinda Maximiliano Meza yangi klub safida debyut qilgan. 11-dekabr kuni „Colón“ futbol klubiga qarshi bahsda Maximiliano Meza „Independiente“ futbol klubi safida ilk golini urgan. 2017-yilda u Chilining „Deportes Iquique“ futbol klubi, Paragvayning „Nacional“ futbol klubi va Braziliyaning „Flamengo“ futbol klublariga gol urib, oʻz jamoasiga Sudamerikana kubogini qoʻlga kiritishida yordam bergan.

Xalqaro faoliyati

2018-yilning 27-mart kuni Maximiliano Meza Argentina terma jamoasi safida Ispaniyaga qarshi oʻrtoqlik oʻyinida debyut qilgan.

2018-yilda Maximiliano Meza Rossiyada boʻlib oʻtgan jahon chempionatida ishtirok etgan. Turnirda Maximiliano Meza Islandiya, Xorvatiya, Nigeriya va Fransiya jamoalariga qarshi oʻyinlarda ishtirok etgan.

Statistikasi

Manbalar

uz.wikipedia.org