Mavlono Doiy II
Mavlono Doiy II (XV XVI asr) – fors-tojik tilida ijod qilgan astarobodlik shoir. Nomi “Majolis un-nafois”ning uchinchi majlisida tilga olinadi. Alisher Navoiy uning astarobodlik ekanligini, sheʼriyatda oʻziga xos uslubda yozishga intilishini aytadi. “Majolis un-nafois”da uning quyidagi bayti keltirilgan:
On pariroki, zi gulbarg
qabo dar bari oʻst,
Har taraf bandi qabo nestki,
bolu pari oʻst.
(Mazmuni: U shunday pariroʻyki, kiygan libosi gul bargidan. Libosining ikki tomonidagi bogʻich emas, uning par va qanotlaridir)
Manbalar
uz.wikipedia.org