Mariya Petrova
Mariya Igorevna Petrova (ruscha: Мария Игоревна Петрова; 1977-yil 29-noyabrda tugʻilgan) — rossiyalik figurali uchuvchi. Sherigi Aleksey Tixonov bilan birga 2000-yilgi Jahon chempionligini qoʻlga kiritgan va ikki karra (1999, 2000) Yevropa chempioni boʻlgan.
Faoliyati
Petrova bolaligida tez kasal boʻlar edi va shifokorlar unga sport bilan shugʻullanishni tavsiya qilgan; ota-onasi uni yetti yoshida figurali uchish bilan shugʻullanishi uchun sport maktabiga olib kirgan. Petrova konkida uchishni yakka holda boshlagan, lekin har doim juftlikda konkida uchishni afzal koʻrgan hamda Yekaterina Gordeyeva / Sergey Grinkov juftligiga havas bilan qaragan, shuning uchun u 13 yoshida juftlikda konkida uchishga oʻtgan.
Petrova dastlab 1994 va 1995-yillarda oʻsmirlar oʻrtasidagi Jahon chempioni boʻlgan Anton Sixarulidze bilan birga juftlikda konkida uchgan. Ular 1996-yilda juftlik hamkorligini toʻxtatgan va Petrova Teymuraz Pulin bilan birga Jahon chempionatida ishtirok etib, kumush medalni qoʻlga kiritgan.
Petrova 1998-yilning yozida Aleksey Tixonov bilan sheriklik qila boshlagan. Ular birgalikda 2000-yilda Jahon chempionligini qoʻlga kiritishgan. Juftlik2002-yilgi Qishki Olimpiya oʻyinlarida 6-oʻrinni, 2006-yilgi Olimpiadada esa 5-oʻrinni egallagan. Ular 2005-yilda jahon chempionatida kumush, 2006-yilda esa bronza medalini qo‘lga kiritgan.
Petrova va Tixonov juftligi 2006-yilgi Jahon chempionatidan soʻng sportdan nafaqaga chiqishlarini eʼlon qilishgan, ammo Rossiya konkida uchish federatsiyasining iltimosiga koʻra, ular keyinchalik yana bir yil musobaqalarda qatnashishga rozi boʻlishgan. Yakuniy mavsumda juftlik Gran-pri finali turnirida 6-oʻrindan joy olgan va Petrovaning jarohati tufayli Jahon chempionatini tark etishgan.
Petrova va Tixonov juftligi Sankt-Peterburgda murabbiy Lyudmila Velikova qoʻl ostida mashgʻulot oʻtkazdilar. Musobaqadan chiqqandan soʻng, juftlik muz shoularida, shu jumladan Rossiya televideniye loyihalarida chiqish qilishgan.
Natijalari
Tixonov bilan
Aleksey Tixonov bilan
Manbalar
uz.wikipedia.org