Marie-France Dubreuil

Marie-France Dubreuil (fransuzcha: Marie-France Dubreuil; 1974-yil 11-avgust, Monrealda tugʻilgan) — kanadalik figurali uchuvchi, Patrice Lauzon bilan muz raqslarida qatnashgan. Ular jahon chempionatining kumush medali sohiblari (2006, 2007), to‘rt qitʼa chempioni (2007), Gran-pri finalining kumush medali sohiblari (2006) va besh karra Kanada chempioni (2000, 2004-2007).

Martaba

Mari-Francening birinchi sherigi Bruno Ivars boʻlgan. U bilan birga, 1990-yilda Dubreuil oʻsmirlar oʻrtasidagi jahon chempionatining bronza medali sovrindori boʻldi.

Mari-France 1995-yilda Patrice bilan hamkorlik qilgan. Dubreuil va Lauzon dueti 2000-yilda Toʻrt qitʼa chempionatida kumush medalni qoʻlga kiritgandan keyingina Kanada figurali uchish federatsiyasidan moliyaviy yordam olishgan.

Ular besh karra Kanada chempioni (2000, 2004-2007), 2006 va 2007-yilgi jahon chempionatlarining kumush medali sovrindorlari boʻlishgan va 2007-yilgi Toʻrt qitʼa chempionati gʻoliblari, ikki Olimpiada ishtirokchilari.

Turindagi Olimpiadada Mari-France oʻziga xos raqsni ijro etayotganda jarohat olgan. Oxirgi tayanchda u sherigining qoʻlidan sirgʻalib, muzga qattiq tushgan. Duet kurashni davom ettirishdan voz kechishga majbur boʻldi.

2007-2008-yilgi mavsumda juftlik havaskor startlardan tanaffus olishga qaror qilishdi.

2008-yil 20-mayda Mari-France Dubreuil va Patrice Lauzon havaskorlik faoliyatini yakunlaganini rasman eʼlon qildi.

Shahsiy hayot

2008-yilning yoz oyida Mari-France va Patrice Monrealda turmush qurishdi. 2010-yil dekabr oyida ularning qizi tugʻilgan.

Ayni paytda Mari-France eri bilan birga figurali uchish boʻyicha murabbiy va xoreograf boʻlib ishlaydilar. Xususan, daniyalik raqs dueti Ketelin Gud va Nikolay Sorensenga murabbiylik qilishgan.

Ayni paytda Mari-France va Patrice dunyodagi eng muvaffaqiyatli muz raqs murabbiylari hisoblanadi.

2018-yilgi Pxyonchxan Olimpiadasida ularning oʻquvchilari oltin va kumush medallarni qo‘lga kiritishgan.

Sport yutuqlari

Manbalar

uz.wikipedia.org