Marian Shved
Marian Vasyliovych Shved (1997-yil 16-iyulda tugʻilgan) — ukrainalik professional futbolchi, Donetskning „Shakhtar“ klubida oʻng qanot himoyachisi sifatida oʻynaydi.
Klublardagi faoliyati
Karpaty Lviv
Lviv viloyatining Nikolayv shahrida tugʻilgan Shved Karpaty Lviv maktabiga yetti yoshida qoʻshilgan. Birinchi murabbiyi Vasyl Leskiv boʻlgan.
Shved Karpatydagi debyutini 2015-yilning 1-mart kuni Ukraina Premyer-ligasi doirasidagi Donetskning „Metalurh“ klubiga qarshi o‘yinda (1:1) o‘tkazdi. 26-aprel kuni „Olimpik Donetsk“ bilan uchrashuvda (4:1) oʻzining birinchi golini kiritdi.
Sevilla
2015-yilning 5-avgustida, endigina 18 yoshida Shved Ispaniyaning Sevilla klubi bilan besh yillik shartnoma imzoladi.
2015-yilning 30-sentyabrida UEFA Yoshlar Ligasining guruh bosqichida Juventusga qarshi oʻyinda oʻyinning yagona golini kiritdi.
2015-yilning 4-oktabr kuni Shved „Sevilla Atlético“ va UD Marbella uchrashuvida debyutini o‘tkazdi.
Karpaty Lvivga qaytish
Shved 2017-yilda Karpaty LvIvga qaytdi.
2019-yil mart oyida (shuningdek, 2018-yilning sentyabr va noyabr oylarida) UPL oyining eng yaxshi futbolchisi boʻlgan. Shved 2018—2019-yilgi mavsumni 26 ta o‘yinda 15 ta gol va 4 ta golli uzatma bilan yakunlagan.
Celtic
2019-yil yanvar oyida Shotlandiya premyer-ligasining Celtic klubi bilan 18 oylik shartnoma imzoladi.
Mechelen
2020—2021-yilgi mavsumda Shved Belgiyaning birinchi divizioni A vakili Mechelenda ijarada oʻynadi. 2021-yil iyul oyida uch yillik shartnoma tuzdi.
Shakhtar Donetsk
2022-yilning 1-sentabrida Shved oʻz vatani Ukrainaga qaytib, Donetskning „Shakhtar“ klubiga besh yillik shartnoma asosida qoʻshildi. 6-sentabr kuni Chempionlar ligasidagi debyutini RB Leipzigga qarshi uchrashuvida oʻtkazdi, klub 4:1 hisobida g‘alaba qozondi.
Xalqaro faoliyati
Shved 16 yoshgacha boʻlgan va 19 yoshgacha boʻlgan Ukraina terma jamoasi sharafini himoya qilgan. 2018-yilning 20-noyabr kuni Turkiyaga qarshi o‘rtoqlik o‘yinida, 77-daqiqada Viktor Tsxankovning o‘rniga maydonga tushib, milliy terma jamoada debyut qilgan.
Shaxsiy hayoti
Shved — sobiq futbol hujumchisi Vasyl Shvedning toʻngʻich oʻgʻli.
Faoliyat statistikasi
Klub
8-sentyabr, 2022-yil holatiga koʻra
Terma jamoa
Manbalar
uz.wikipedia.org